水泡是否等於水瘤 - 覆LH
你好。
本人計劃了生BB,試了一年都唔成功,08 年4 月就搵o左個私家醫生check,醫生告知我係右邊卵巢生左粒2.5cm o既「朱古力瘤」,而子宮亦有一個肌瘤,因為我34
歲了,叫我做切除手術,否則這個瘤會阻礙懷孕機會,本來都諗住做,但我老公認為看多個醫生好D,睇下有無第二個方法唔一定要做手術。
咁就睇第二個醫生,佢幫我檢查完就話係朱古力瘤及肌瘤,如果我唔想做手術住, 可以試下懷孕,佢話因為唔一定係個瘤影響到我一年都未成孕,佢話試6
個月排卵藥,如果唔成功可能就真係要做手術,連我老公都驗埋精子,醫生話精子活躍度不足,咁叫我老公一齊食藥,但試o左3 個月都唔成功,而且我每次照都有卵泡喎,唔知點解個朱古力瘤又大o左,有3.8
cm 了。
今日10 月24 日來經第二日,本來要返去第二個醫生度取今個月排卵藥,最後我決定了睇第3 個醫生(這位醫生是幫我一個小產o左3 次o既朋友找出原因,並且已成功生了一對孖胎),個結果好出人意表,醫生話我知子宮有一個肌瘤,而右邊卵巢所生o既唔係朱古力瘤而係水泡,現已有4cm,而左邊亦發現有一個較細的,佢建議我做手術把所有瘤清除後就預備生BB
較好,我問醫生怎樣看到是水泡而不是朱古力瘤?她說兩者顏色不一的。。
現在我想問:
1. 水泡是否等於水瘤?
2. 為何之前兩個醫生說是朱古力瘤,而這位醫生說是水泡,真的憑超聲波就分得出?
3. 第3 個醫生說有可能左邊生的水泡是由於我吃排卵藥刺激而長出的,是真的嗎?我10 月6 日也在第2 個醫生那處照過超聲波,當時無告知我左邊有水泡,只告訴我有二個卵泡,為甚麼?是醫生看錯嗎?
4. 我現在的情況該如何是好?真的需要做手術清除才懷孕?在網上看見說水瘤是會散的,可否給我意見?
心情己去到谷底,不知怎辦。
LH
|