|
 |
Zita︰ 原本我有一位很要好的男同事，大家都好傾得埋，好多時都會單獨去飲野傾偈。其實大家都對對方有好感，但因為我有一位拍拖四年的男朋友，所以大家都保持住一段很好的朋友關係。 但上個月，我地成班同事去卡拉OK玩，果晚大家都有些醉意，到最後所 |
|
|
|
有同事都走晒，只得我同佢，不知不覺間我地親吻起來。果晚我地玩得好開心。第二日佢要飛去日本公幹一星期，到佢返來之後，佢送左幾份手信俾我，而其他同事則有一份草餅作為手信。之後果晚佢同我講那晚吻我係因為鍾意我，但佢不會存在有進一步發展的想法，因為佢知道我真正需要的人並非佢，更加不想破壞我和男友的多年感情，所以佢會將果晚的回憶留起，但佢應承我絕對不會因為果件事而影響我和佢之間的友誼。 但不知為何，公司的同事覺得我地的關係不尋常而開始傳我和佢拍拖的緋聞，之後佢好似有意的避開我，而我同佢的友誼亦開始淡，漸漸公司的同事都沒有傳我地的事，但我同佢仍然都繼續避大家，我覺得好傷心，一個我曾經當佢係真心朋友的人，而我又喜歡過的人，竟然在避我，究竟我還當佢係朋友抑或放棄佢不再和他交來往好呢？ 至於我的男友，我同佢仍然好好，但我仲好掛住我果位同事呢，究竟佢係為我好抑或不再鍾意同我做朋友呢？ thanks for reply my mail! Ria Dear Ria︰ 他避你，你可以與他講清楚，你與他可以繼續做好朋友，成年人無謂為了幾個吻而方寸大亂。 不過，你也要講得出做得到，不要做三日朋友就又要人家當你女朋友般看待。 他如何看你已不再重要。皆因你與他，充其量只是一雙朋友。
|
|