|
貽興︰ 你好，希望你可以解答我o既問題。 我今年29 歲，同男朋友拍拖7 年幾，起初同佢一齊o既時候我並無坦白同佢講我有一個小朋友，後來佢知道我有小朋友都無話同我分手，只不過佢身邊o既所有朋友以及佢o既屋企人都唔知道我有小朋友，一直到現在。 同佢開始拍拖o既時候佢已經講話無結婚打算，而我當時認為自己帶住一個小朋友，都唔會再想結婚，所以同佢開始拍拖。 |
 |
|
|
有一次我忍唔住問佢到底仲愛唔愛我，想唔想同我一齊，佢答我話佢自己都唔知，同我一齊可能係一種習慣。 之後o既佢對我又無同平時無分別，一樣每日打電話比我，放假時候陪我，但係出去陪朋友食飯o既次數就愈來愈密，每期兩至三次。不過佢每次出去食飯前都會同我講一聲，食飯o既時候都會抽時間打比我傾下電話。 我唔知道佢係咪識o左第二個，又或者佢想自己一個人，因為最近佢有幾個朋友都回復單身，有時同佢講電話佢會講一個人好自由，鐘（鍾）意做咩就做咩。 我男朋友外型條件唔差，平時佢放假o既時候都會陪我，但係最近發生o既事，我擔心佢會有第三者。 雖然開始o既時候我已經預左同佢唔一定會有結果，但係7 年o既感情我真係好唔捨得，每次諗起佢o既答案我都覺得好難過，我驚會無左佢。 我想聽下你o既意見，另外想問你認為一個帶住小朋友o既女人係咪好難會搵到一個好男人？謝謝！ Yuki Yuki︰ 你自己應該心裡有數，你的男友，是有另外一個了。 你有個孩子，形勢上很輸蝕。他該也看準你這弱點，逃不到哪裡去，大概也只會忍氣吞聲，才這樣對你。你要想清楚，今後就這樣一直啞忍嗎？你必須知道，偷食這回事，只會變本加厲，不可能浪子回頭。你才29，那麼年輕，為甚麼要忍？ 找到一個不介意你有孩子的男人，就有機會再遇到第二個、第三個。怕甚麼？都甚麼年代了，還有甚麼顧忌？為甚麼你要看不起你自己？ 如果你的孩子知道，一定很難受。 沒錯，有孩子會令一些男人卻步。但那些是甚麼男人？大部分都是想拍拍散拖、討便宜的男人，這些蒼蠅趕走了有甚麼可惜？真心想跟你結婚、過下半世的男人，才不會介意你有孩子。可能他自己也有一個，到時你又介不介意？ 想追求愛情，就得勇敢，和自信。當然我明白你仍然很想追求幸福圓滿的愛情，可我卻告訴你，跟愛情相比，你的孩子，更值得你投放時間、心力和愛，也只有他，才會終生不離不棄，愛你，而不因為甚麼。 祝 有子萬事足
|
