不要成為男人的方便麵 – 覆Carmen

貽興︰

My Background:  23, no love experience, 唔算靚,唔係可愛個種,以前大學成日俾人tough 的感覺。雖然佢是我喜歡的類型,但我一直都覺得佢會有女朋友(據我所知應該無),所以當時沒有想太多,但宜家諗返覺得有D 嘢,自己宜家先開始對佢有好感。

他是舊公司的(一齊入同一間公司但我好快就走了),跟他單獨相處係因為我地兩個都無飯腳。

第一餐飯都無咩特別,話題都離不開工作同適應,overall 幾gentleman,最深刻的是有人喺街度籌款,佢無捐,但佢好刻意解釋。

佢知我個department 無人陪我食飯,第二日有whatsapp 我話我知要自己食,因為佢要北上工作。第三日,佢有陪我食飯,仲帶咗粒朱古力俾我(唔知係咪諗多咗,佢可能知我嗰陣唔開心)。之後有問我鍾意食第二日嗰間餐廳定係第四日嗰間。

第四日,我地成班新一齊去食飯,我總是覺得佢專登坐我隔離。之後第五日,成班新一齊去見CEO,佢又好似專登坐我隔離。

之後個個星期都無咩聯絡同見面,可能係個group 度whatsapp,因為我份工做得唔開心,諗緊走,成個人好frustrated、好忐忑不安。其實佢之前話要同我傾下,但我個下好混亂,完全無同佢傾過。

這份工我總共花了12 日,我臨走嗰日先係whatsapp group 度婉轉地講我將會離開,佢即刻單獨whatsapp 我,但話我哋都未傾過,我回應話「做唔成可以做朋友」。

佢話臨走時逐個同佢哋道別。最後因為我實在太想離開個間公司,完全唔記得同佢地say goodbye。成件事好似走得好無情。


返了新工都有喺group 度whatsapp,也沒有想太多,直至同friend 講起先覺得有d 嘢,之後我主動whatsapp 佢,嗰日都傾得幾多嘢,但都係問近況多,也有主動關心佢。嗰日佢放工都有whatsapp 我,嗰晚有繼續whatsapp,但之後我地再沒有單獨whatsapp 了,只有group 度whatsapp。

佢無主動搵我令我覺得think too much,直至前幾日,成班gathering,佢有問我有無掛住佢(我覺得佢言下之意係問掛唔掛住有人陪食飯的日子),我答「梗係有啦」,但無睇到佢反應。

食飯時我有主動坐佢隔離,成程佢有主動靠過來(可能拎嘢食有需要掛,不過唔似係抽水嗰D),佢又主動向我派卡片,有主動問我工作上的東西(不是工作開心不開心的那些,而是一些行業意見),話refer 我申請佢張credit card,其實諗住一齊去政府總部,但因為太夜無去,好多人都話我應該去。佢有D 位會專注於電話。

其實我係咪諗多了,我無咩經驗唔知佢點諗。可能我唔太主動又錯過了timing,沒有好好把握機會。

想知佢點諗,教教我之後應該點做,thx!

Carmen

Carmen︰

如果我告訴你,你最應該做的就是什麼都不做,你會聽嗎?你...甘心嗎?

老實說,他是對你有好感的。然而一個男人一輩子有過好感的女人恐怕比他看過的AV 還更多,有好感不一定要開始,更不一定打算為她定下來,從此只認定你一個,所以他為什麼做了一點點又沒有後續,又為什麼忽冷忽熱,一句到尾,就是因為他沒有把你放在心上,才可以如此不在乎,偏偏因為他的不在乎,才讓你更加在意。

你知道自己在對方心裡像什麼嗎?就是煮到面前的方便麵,煮到來便吃,端到面前便吃一口好了,不吃白不吃,一切不過方便就手,要他特地費勁,他才不會。你以為我的答案得無情?他的行為反應早已証實一切,其實更加殘忍。

要是一個女生回答一個男人她當然有想他,後來還可以沒有下文,問這個問題的男人大概就只滿足於狩獵和集郵,只是為了讓一個陌生女生為自己傾倒而已,這樣的男人得到了會怎麼樣,你心裡明白,不贅了。

如果你還是不被糟蹋不甘心的話,那就低頭衝過去吧,我知道你心底深處是這樣想的。

祝 壯烈犧牲

貽興



 

advertisement
Something is wrong.
Instagram token error.
Load More