分手後繼續用盡你 – 覆Suki

 
你好。我同佢拍咗就快11年拖了,剛喺十月分咗手,係佢提出。


其實呢11年來都試過好多次分開,每次都係佢提出。前兩年分開時,我真係同自己講唔會再返去佢身邊,當時我都認識咗第二個,但始終對第二個冇信心,所以都分開了回到佢身邊。


一齊返兩年之後,剛於十月的時候,佢又同我提出原因好多,因時常嘈交,傷害大家嘅感情;二來係話唔再愛我;三來佢緊張佢嘅事業,可能唔想再拖住我,因為我都唔細啦,我同佢都同年31年(歲)。


分開了大家還有聯絡,之前因為同佢同居嘅關係,我放咗好多嘢喺佢度,分開了我都上過佢屋企兩次執嘢。我曾經傻到用性留住他,但兩次都留唔住佢。


當我開始習慣冇咗佢嘅時候,佢有一晚找我,當時已經深夜一點了,佢話好想見我,於是我坐的士去佢度,當晚係佢主動同我有性,大家就好似以前同居咁,但我開始發覺我唔想再同佢發展呢種關係,所以我跟住再上去執嘢,我都拒絕佢嘅要求,只係比佢掂下我隻手。


大家都好似朋友咁來往,但今日我打比他,我想攞返d重要嘢,佢又喺電話問我嗰樣嘢,我就同佢講我地要分清楚咩叫朋友,咩叫情侶,我話我唔會再同佢有任何,跟住佢就好似好唔開心咁,開始發我脾氣。佢話會識過第二個,又話我呢11年來使佢好多錢,令到佢而家無哂錢,話我同佢計較攞返所有東西走。


聽完佢咁講我好傷心,我冇想過佢會咁諗我,我想緊我自己有冇做錯,點解我地突然之間可以將個關係變得咁差。


你可否解答我,究意我邊方面做錯了?佢當我係咩嘢?


Suki

Suki︰


是不是很心淡?十一年的感情,最後變得如此醜惡。
 
這個男人的心態是:你曾經屬於他的,所以,他就要用到你盡,縱然大家已,他都繼續使用你。
 
他會認為,使用你是他的權利。
 
你離開,他才不想就此放生你。若果你任由他繼續隨傳隨到,他一定會把你用殘用盡為止。
 
有些男人是這樣,只有當你仍然是他的女朋友,你才會有價值,一旦你變成街外人,他就懶得對你好。
 
他所說的話,表現出他對你的恨意。他覺得他為你付出得太多,如今卻不能繼續搵著數,於是自感好蝕底。
 
好難聽,是不是?
 
卻就是因為如此難聽,你才能真正走得甩,以後不再被他搵笨,也不會以為大家仍有餘情。
 
人,真是有高低之分。他既然是這樣低品格,他就會做出如此低品格的事。
 
他低層次,不關你的事。
 
別為他的言行而太心傷。你該為了有機會看清他為人,而慶幸。

advertisement
Something is wrong.
Instagram token error.
Load More