深雪︰
您好。客氣說話不多講了，希望您可以給點意見我，Many Thanks!
先講講兩個男主角︰
Kin 跟我相識12 年，因為他，7 年前我同同居了幾年的前男友分開了，不過和他一起日子不長久就分開了。
這7 年間，Kin 會斷斷續續回來找我，回來，分開（正確講係佢失蹤），又出現，又失蹤。從來無講過分手兩字，每次都有唔同的藉口（大話？）。我知道亦有其他女人存在過，可能我真的愛佢啦，佢傷得我有幾深都好，對住佢我真係唔識嬲佢，覺得佢識返嚟就得喇，而我一直都保持單身，雖則有人追求過。
近半年，佢又返來喇，而家佢會有時間就見你，會帶你去識佢身邊朋友，以佢「太太」來介紹，會俾你知佢發生緊D 乜事，會同你計劃買樓同結婚講將來，主動去見我媽咪（呢樣我無安排到，因為我屋企人知佢以前點對我），俾我感覺care咗我多好多，一D 以前佢唔會做唔會提嘅都做晒。我以為我等到呢一日時，三個月前又失蹤了，很可笑嗎？
Dino，响Kin 失蹤時出現。我可以用好男仔來形容他，他從朋友介紹下add 我fb，由fb 傾到電話，到食飯兩次；識咗個多月時間，兩個已經了解（清楚？）了大家，每一日嘅「長途」電話，真係無所不談（包括很多私隱），感覺仲有D 似已經開始咗。朋友都以為我哋開始咗，事實係連手都未拖過（佢性格會係一步一步去行嘅人）。
問題來喇︰
Kin 十多天前出現，提返結婚呢件事，但我好驚結婚後佢又失蹤，結咗都無意思啦。雖然呢個係我一直想要嘅結果。
Dino，唔確定佢係咪想開始，我知佢對我有一定的著緊，但好似就係欠咗主動嗰一步。
我應該放棄Kin，慢慢同Dino 發展？等佢開口？我做主動？放棄Dino，結婚去了就算？因為我唔甘心，定係我仲愛Kin？畢竟我已31 歲，從新開始定嫁咗去？
我想聽聽您意見呀，您係我會點做？可否幫我分析一下？萬分感激！
Angela
Angela︰
你可以與 Dino 試試發展。你值得有多一個選擇。
不必死心眼地以為，世界上只得一個男人，而你只可以愛一個。
但是，Dino 猶猶疑疑的，並不確定會否追求你。那麼，你就要主動走第一步。
好吧，若然 Dino 是適合，你可以與他長久發展。
但是，亦有可能， Dino 並不適合。那麼，你該怎樣做？
若然我是你，我會嘗試結識其他男人。這個世界上，不只有 Kin 和 Dino 兩個人！
為甚麼不可以有第三個、第四個、第五個選擇？
Kin 和你的緣份一直斷斷續續，雖然，他現在提出結婚，但最後，都未必結得成婚。他的結婚提議，你當聽聽就算了。
我倒是覺得， Kin 這種個性的男人，好難穩定地留在同一個女人的身邊。於是，他並不適合做老公，他只適合做情人。
將來，你和誰結婚都好，Kin 都可能會偶然找找你，那麼，你和他，就會繼續斷續的緣份。這樣子，你和 Kin ，就斷斷續續地一生一世。
三十一歲，人生才真正展開，而許多有品味的男人，都喜歡三十多歲的女人。所以嘛，若然你與 Dino 發展不到，你就去結識其他男人吧！
何必要自己只困在 Kin 與 Dino 之間？我可以肯定，這兩個男人，從來無想過要困在任何一個女人的身邊啊！
男人嘛，總是知道，世界上充滿能夠發展、上床、嬉戲的女人。
女人哩，要變得醒目，最好與男人有同樣的觀念，不要困死自己。
深雪
