這只是一個無謂的壞男人 – 覆Pik

親愛的小姐︰

我今年24 歲,2 月喺fb 同一個外國朋友有返聯絡。其實點解會識佢?我叫佢做A 先生。


A 先生係我朋友去酒吧玩而認識,我朋友第一次約A 出黎都有叫埋我。但嗰陣佢應該追緊我朋友,所以都無乜野同我講。見過兩次後佢就add 我MSN。


我個朋友就開始覺得A 先生有問題,因為不斷add 佢身邊D 女性朋友。咁當時我有bf,好自然就ignore 佢,佢亦無再搵我。


到2 月我同bf 分手唔開心,唔知點解諗起佢。咁咪add 下佢傾下,點知佢又應,仲連續兩日傾到好夜(fb 傾)。過左兩日約出嚟見,我都好緊張,可能我未試過同外國人出街。


嗰晚都係睇戲,佢都有搭住我,但搭之前都會問下我,都幾有風度。唔知點解就係睇戲之後我就成日諗住佢,佢一online 無Hi 我就好down,成日睇佢fb。


我地開始無傾得咁密,但間唔中我搵下佢、佢搵下我。但我到而家仲成日諗住佢,我真係唔知呢種叫做乜嘢?


身邊朋友話佢係playboy,因都會叫女仔上佢屋企,又成日講黃色嘢,人品唔好等等,但我就係都唔死心,好想試下追佢。


咁當然我會適當地主動,如果知人哋無意思就會走。但其實佢見完我一次就無再約我,個答案係咪已經出晒嚟?因為佢都有SMS 我,所以我先覺得又未必係。(佢講D 野好sweet,不過我都知外國人好多都係咁。)


所以今次想問我應該點做,又或者罵醒我咪再發夢。


Pik

Dear Pik︰

這是一個壞男人,你又知道他喜歡逢場作興,幾乎見女就溝,也應該每晚都有不同的約會。
 
兼且,完全無無謂謂,毫不重要。但你都念念不忘啊!何解?
 
好吧!我來分析一下。
 
首先,你好悶,而且寂寞。與男朋友分了手,想盡快找個異性拍拖、愛一場。你和這個外國人,原本不會發展,只不過是你求其在網上 add 他,他又理會你,所以才有下文。整件事,是由寂寞和無聊而起。
 
那麼,你再求求其其 add 其他人,也可能會因此有街去、有散拖拍。為何你不試試?總好過只專注於一個。而你又心知,大家不會有甚麼發展。


他見了你一次,以後不再約會你,就等於不喜歡,對你無 feel 。
 
 
第二,你好明顯是那種忍受不到「失敗」的女人。他約過你一次,不再約會你了,你自感失敗,於是更念念不忘,死心不息。
 
你討厭不被選上,縱然,你明知他是壞男人。就算是被玩弄,你都希望被選上,是不是?
 
你覺得自己的魅力不能俘虜他,所以下不了這口氣,對嗎?
 
你要接受,男女關係中,失敗的感覺一定比勝利的多。不約你、不想你、不喜歡你,一點也不奇怪。男女關係,輸的時刻、挫敗的時刻,一定多過勝利和風光的時刻。
 
你可以幻想一下,整個灣仔,都可能充滿他的約會對象,他想約幾多個賓賓、泰泰、印印,都可以。你何必與這些女人去爭?
 
這樣去想,你的心裡就會好過得多。
 
畢竟,他都不是甚麼值得你去稀罕的正斗男人。
 
第三,你要向心裡發問,你真正想要的是甚麼,
 
而那答案,一定是這一個:真感情。
 
你尋找的是愛,那是一段有將來的關係,去愛與被愛共存的。
 
那麼,你明白了之後,就不會再想這個無謂的男人。
 
他絕對不是那個能給你帶來真感情的人。
 
好吧!你明白了內心的真正需求後,就要向能給你真正愛情的男人埋手。去張眼看看,哪裡有好男人、能長久發展的男人。
 
你大個女了,不要再對無謂的男人投放你的感情和依戀!求求其其就把感情胡亂投放,是對自己完全不負責任的行為!


advertisement
Something is wrong.
Instagram token error.
Load More