advertisement

Zita︰


我一定要先感謝你。你無法想像你o既文字陪我走過幾長幾灰暗既路途。多謝你令我學懂自愛欣賞自己。


言歸正傳。我同我o既男友係一年前左右開始。當時我地只係普通朋友,當時佢剛剛被另一個女孩拒絕很傷心。與此同時,我爸媽離開o左香港,留低我自己一個o係香港生活,所以我地成日約出o黎。


因為爸爸重病媽媽又要離婚,當時o既我好傷心好軟弱。o係某一晚,佢突然抱住o左我錫我。我好迷茫唔知道佢係咪只係同情我,後來都係一齊左。佢話佢鐘(鍾)意我,但我心中始終唔相信佢咁快忘記到個女仔。

經過呢一年,我明白佢真係愛我,我亦為佢奉上o左我既第一次。佢係我第一個願意付出咁多,放下身段。我唔知道係因為我地有o左關係我先咁怕失去,定係我真係咁愛佢。


開頭幾個月佢真係好錫我,但後來佢慢慢開始挑剔我、嫌我。


好似有一次夜晚,我俾變態跟o左一個鐘,我好驚o係到喊,但佢o黎到只係講左句︰「個變態盲架?你咁o既樣都跟?」我好嬲好嬲好嬲,我覺得好委屈,好被佢睇唔起。但我忍,因為我想試圖原諒佢一時錯失,因為我見過他的溫柔,絕不是裝出來的 。


過o左七個月,我突然要去英國讀書。就咁樣,我地變成異地戀。我知道兩方一定要一方做主動,唔係大家愈o黎愈冷淡,熱情都消退。所以我會成日話佢知我鐘(鍾)意佢、愛佢,留msn offline message 俾佢睇。有一d「快樂時按下我」、「讀書讀太灰心時按下我」、「心情唔好就禁下我」fb message 俾佢隨時睇。我會用薄(簿)仔畫低寫低我地o既開心事再寄俾佢,行街看o岩野都會買o黎寄俾佢做紀念禮物寄俾佢。


但佢愈o黎愈冇反應,o係佢面前我好似做幾多都唔夠,佢都吾欣賞。好多時候我真係覺得好辛苦,永遠比唔上佢o既前度同佢鐘(鍾)意過o既人。雖然有時關係好好,但更多時候我好自卑,自己覺得好犯賤,未試過咁放低身段。


佢會嫌我肥、嫌我醜同蠢,同埋因為我o黎o左之後冇晒朋友,家人又唔o係身邊, 好多問題攪到我成日唔開心。但宜家我o既眼淚,佢已經唔再憐惜,佢話佢好辛苦好大壓力,我宜家所有唔開心都唔可以同佢講。


我同佢好似係兩個世界o既人,我o係別人口中o既乖乖女,而佢就係壞學生,有時我懷疑佢為捍衛自己o既自尊而抵毀我,但佢有時真係真係好錫我。


我真係好累,唔知再應該點做,我唔要求亦知道佢唔會為我改變。或者有一日佢會起碼尊重同接受我,但如果一直咁落去,我唔知我可唔可以堅持到。我仍然愛佢,請問我應該點做?


(對唔住,我一時控制唔到,打得太長,抱歉!)


Catherine

Catherine︰


這是你第一次全心全身投入去愛一個人。


這亦是你第一次領略到愛情的高低起伏。


他愛過你、疼惜過你,然後,他嫌棄你、冷淡你,到如今,他已不愛你了。


經過這一次,你就會明白,有些愛情,就是這樣一回事,熱戀過,轉眼就變淡。


而愛情,會來亦會走。


你知道嗎?愛情是有眼睛的。當愛情來臨時,男人就被愛情的眼睛洗禮了,他會覺得你好美好標準,然後,你所做的一切,你的思路和說話,都最對、最順眼、最悅耳。


但當愛情走後,他就立刻覺得你醜、難看、不達標,同時候,你講的每句話,都難聽,以及,覺得你整個人都好錯好錯。


簡單總結,當愛情在,他就會覺得你美麗和對;當愛情已走,他就會覺得你醜和錯。


為甚麼愛情會走?皆因,緣份要完結。


愛情,其實是看緣份的厚或薄的。你和他,一年之內就由濃轉淡,緣份不夠所致。


愛情走了,緣份完了,他對你已變得毫無感覺,甚至是討厭。而你,做那麼多討好他的事情,就讓他愈來愈討厭你。


你都懂得講,他嫌你肥嫌你醜嫌你蠢,你的眼淚他已不再憐惜。這就是愛情已走,他已不愛你的盡情表現。


有些感情值得挽回,但這一段,算啦!沒甚麼大不了,不必死命扯住不放。


你和他分隔異地,真是分手的良機。你不再找他,就是了。


你要接受這次的愛情失敗,然後,外出找尋新的愛情機會。


其實,哪有女孩像你,能日復日忍受他嫌棄你醜和蠢?這些難聽的話,聽一句,都已經太多。



深雪覆