愛情是誰心急誰就輸的遊戲 – 覆Winnie

Hing︰

我呢一刻真係好迷惘、好無助。

佢其實係我舊公司同事,不過佢只做左幾個月就離職。年幾兩年之後,我地o係一次聚會上開始熟起來,交換o左msn 同fb。如是者,返工一齊msn,放假又一齊,日子真係過得好開心。中間,佢的確有問過我「可唔可以做我女朋友?」但係礙於佢成日落bar 玩,自己又係d 靜o既人,所以就無答應到佢,但心入面的的確確係好鍾意佢。

不過,開心o既日子只維持了幾個月。有一次,同朋友行行o下街,就見到佢拖住另一個女仔。當時,個心真係嚇到跳出來,好驚,但依然裝無作樣的同佢say hi。

之後佢有打o黎同我解釋過,佢會同佢分手,不過要等時候。我見佢好坦白,我就信佢,繼續我o地開心o既日子。

直到有一次,我同佢o係屋企o既時候,我地終於出軌了。呢次的確係我第一次,而我到最後留有最後底線,但第二次,我msn 到叫佢,佢無應。

或者佢覺得唔好意思,過左一兩個鐘,佢就打返o黎,話之後同朋友食飯,唔得閒陪我。當時,我個心的確好傷,點解我同佢既關係去到o個個位,仲要當我係外人呢?我唔知,只係知道佢好似想慢慢疏遠我,但仍有keep 住聯落(絡)。

到最近,我終於見到佢fb 上的status 轉o左做 in a relationship,我個心的確好傷,好痛。有時見到佢d衣著打扮,語氣變晒,真係好唔舒服。

我唔明,點解佢要咁對我?佢只係同我講,個女仔對佢好好,那我對佢唔好咩?

我真的好亂

Winnie



Winnie︰

其實有什麼需要亂?

一切根本明晰得很。

不要站在受害者的位置,把所有責任歸咎於對方。你明知他是個愛蒲愛玩的人,你明明知道他的性格如何,也知道他有女朋友,你仍然要接受這樣的一個男人,你仍然讓他繼續接近,在家裡跟他發生關係,一切一切,你根本都知道有什麼後果,為什麼要亂?為什麼要怨?

他是食家,你甘願當食物,還要當便宜就手的快餐,這是你自己招來的,怨不得人。他根本連花點心思找個好點的藉口騙你都懶,就推說是沒感情的女友,遲早會分手,這種謊話你也相信?你怎麼不等他把一切解決掉才正式跟你一起?

也許,是因為你寂寞。

也許,是因為你等不及。你太猴擒,你心急。

愛情是誰猴擒心急誰露了底牌就輸的遊戲。人家給什麼你都不拒絕,男人天生那麼賤,那麼懂得格食格,怎不吃定了你?可以呼之則來、容易騙去的女人,男人怎可能珍惜?

每個人都會因為心急想找到真愛而盲目,而變蠢,當中聰明與不聰明的分別,不過是聰明的,在年輕時蠢過一兩次,以後就學乖了,不會再重蹈覆轍了;而真正無藥可救的,卻是不論吃多少次虧,都一樣笨,而且,還不知道自己笨在哪裡。

好好善待你自己。像這樣的教訓,今後真的要記住了。知道嗎?

祝 潔身自愛,別怕等待

貽興

advertisement
Something is wrong.
Instagram token error.
Load More