分到丁點愛 – 覆煩惱的美眉

第三者係前女友，可以點？我男朋友呃左我幾個月，佢上年中同一個以前hurt 佢o既前女有一起返（但我一直唔知），過左個幾月就話想冷靜。

到9 月頭再見面，我當時已經好辛苦，我同佢提出去Macau，因為我地一路都因為佢家有事去唔成旅行，一講就話不如去遠d。個旅行上雖然開心，但佢無比promise 我，我都有懷疑係補償，但返HK 後佢對我好左，我以為有轉機。但一路 無sex，我已經心知不妙。

11 月時，我有一日SMS 個男仔話好辛苦，話點解佢唔行多步等大家和好呢，佢話無咁愛我不如分開，我話等佢啦。佢當時只係話個feel 唔同左，但我都話等轉機。

點知果晚佢打比叫我唔好等，話有結婚對像（象）了，然後個女仔同我講，話佢係佢女友，而家係個男仔追返佢，佢叫我唔好找佢o地。我先知佢原來一路都呃緊我。

後來我SMS 比個男仔話好辛苦，佢話佢係對個女仔特別feel，之前呃我係一直唔捨得我。又話同個女仔感覺唔同左，唔會同佢結婚。唔結婚又留佢唔留我？我唔知佢係講真定安慰。

我知佢以前好鍾意果個女仔，只係個女仔走左去。雖然以前分隔港台兩地，但個男仔真係想結婚，只係個女仔走左。而家個女仔又比人hurt 完回來找佢，兩人又適婚年齡，佢地好似可以結婚。計下計下，佢地都半年有多喇。個女人都28 歲，處心積累（慮）找回老相好要返佢，驚嫁唔出。當初佢愛我ex，佢就唔會走啦。

件事發生1個月後，我比返d野我ex，我無提到件事，只係食飯。佢喊住同我講對唔住，佢話覺得唔夠愛我。之後我地有contact，唔會成日見，亦唔會sex，但會買禮物比我，我估都係出於內疚。其實都事隔幾個月，我有時真係好想知道，佢重會見我，係咪只係出於內疚？

佢有愛佢，但都有愛過我。我真係好唔捨得。我同佢一起年幾裡面，我好想去bulid up 關係，偏偏當時佢出事，無時間。當然，我亦都知道，佢唔夠愛我。但如果一直好好地地，比時間我好建立，最少我會無咁難過。

我雖然已經over 25，但個樣都唔差，我知道找個第二個男友係最好方法，但我唔係要一個好錫我o既男人，我只係希望我愛o既男人在我身邊。

我好想佢返來，可以點做先打動佢？就算唔可以成為佢太太，都好想佢可以，分到好少o既愛比我都無所謂。有時忍唔住喊，好驚佢會唔理我。

可能你覺得我好執著，亦覺得我在呢個男人面前永遠處下風，所以佢唔會愛我。但我可以去迎合呢個世界，找一個全世界覺得好o既老公。但夜欄人靜，掛住一個人o既滋味，只有自己最清楚。所有人認同o既幸福，未必係自己覺得幸福o既事。在我而言，可以一直見到佢，可以偷到好少o既幸福，已經係最大o既幸福。

謝謝你看這封信！

然而，他倆之間千絲萬縷的感情，只有他倆才明白。

你知道嗎？能夠舊情復熾的愛情，是很難得的，斬不斷，往往是代表真緣份。

他和她，可能有美滿的結果。

而你和男朋友，未去到感情穩定的階段，就遇上各種的障礙和錯誤，上天似乎沒有安排你和他走向更深的一步。差錯和障礙太多的感情，通常都不是真正的姻緣。

此刻，你深愛他，於是你偉大得只盼求他的丁點愛，這即是說，你不介意由正印降級做第三者。但我告訴你吧，丁點愛根本無法滿足到你，自自然然的，你只會愈要愈多。不是你貪心，而是，渴求愛，以及正常的關係，是我們的本性。

你此刻的偉大構想，你不會實行得到。

事實上，你也無必要實行啊！慢慢，你會漸漸不愛他，也慢慢，你會遇上其他男人。每一個女人的愛情路都是這樣，失戀了，遇上另一個合適的人，然後，我們繼續戀愛，朝向屬於我們的幸福邁進。

他依然對你不錯，是出於善待別人的本性。你要面對現實，他揀了另一個人，放棄了你。

不要苦纏他，不要對他有幻想。與其向他乞求丁點愛，不如重新上路，尋求一個能互相傳遞愛情的真命天子。