有點感情的霧水情緣 – 覆Agnes


深雪︰

你好!我之前o係一間旅行社工作,認識了同我同年(廿多歲)的男同事。

o係呢行,我係一個新手,而他就是離職重返公司的新同事。o個時我咩都唔識,佢都好主動教我o野,感覺上佢都幾幫新同事幾好人。慢慢我對佢開始有d好感,不過我係d被動既女仔,所以我咩行動都冇。

幾個月之後佢開始主動約我去街,又同我傾電話,感覺都幾好。不過我o係公司做o左一年左右就走o左,個時我心諗︰雖然我地有單獨出過街,但幾個月o黎佢都冇進一步表示,所以我都打算放棄這段關係。


怎料,我走了之後他又主動聯絡我,之後我o地又開始出街,有時一班人出,有時就單獨出,有時上佢家飲酒。佢有試過o係我飲醉酒o既時候o錫過我,所以我諗佢對我都有好感啦。

之後X'mas 我又o係佢屋企飲醉o左,佢又o錫我,o個晚我同佢發生o左關係。我以為之後我地叫開始o左,但原來唔係,等o左一個星期到,我終於忍唔到用SMS
問佢其實係冇膽定點,佢竟然話一直以o黎都只當我係紅顏知己。

當時我好傷心,都好後悔o個晚o既事。之後佢又send SMS 俾我,話覺得好對我唔住問我可唔可以forgive 佢,繼續同佢keep 份友誼。

我同佢講我知o個晚o既事大家都有責任,我只係嬲佢點解唔中(鍾)意我又o錫我,叫佢哄我笑番我先forgive 佢。

其實我想問佢有冇真心對過我?真係我一直自作多情定佢其實只希望同我發生關係定點?我咁樣答佢又o岩唔o岩?點解我成都覺得好o既男仔唔俾我遇到。

Thanks!

Agnes


Agnes

有些男女關係是這樣的,姑且稱之為「有點感情的霧水情緣」。

通常,他主動約會你,又已有足夠時間了解你,到發生關係之後,就會真正開始。

如今,發生關係後,他立刻縮開,那就代表,他不想選擇你。

我認為,他有真正喜歡過你,要不然,他不會常常主動要求見面。

不過,他最終都是決定不選擇你做正式女朋友。

你可能覺得憤怒,因為,你是女人,女人認為,有點感情,又加上發生了關係,就好應該正式拍拖。

你甚至會想,他在玩弄你。

但是,他立刻退縮,總好過勉強與你拍拖三個月才退縮。他在此刻退縮,你們的回憶就少,你的傷心也少。

不要以為男女關係只有「不發展」與「已發展」這兩種。

你看,你和他,就是「有點感情的霧水情緣」。

這種男女關係沒有甚麼原諒不原諒,他又無殺人放火。

你有沒有想過,你都會對某些男生動了心,可是又不想與他們正式拍拖?甚至,你幻想過與他們上床,歡樂幾次,接著,你會想盡快撇甩他們。

有時候,男和女,真的可以絕對公平。

你不要鑽牛角尖,覺得自己被玩弄,你可以想,其實你也有參與這場遊戲,要玩,你都有份。

你真正要做的是,忘記他,再找一些新對象。這個不認真,但總有許多男人,絕對想認真。

深雪覆

advertisement
Something is wrong.
Instagram token error.
Load More