足球先生 – 覆Helen


Dear 深雪︰

你好。我係第一次上o黎!

前日,我同男朋友分手喇。我地一齊o左一年多,真係好開心好開心,平時都好少嗌交,但係嗌就好大獲,都係因為我唔識去體諒去忍讓,一味o係度話佢點唔o岩點唔o岩,跟(根)本無唸番轉頭其實自己都好自私。

今次佢講分手,同我講佢而家只可以係足球同愛情之間2選1,否則佢永遠都無可能實現夢想。


呢一年o黎,佢都有踢比賽都有練波,我都有去睇佢,因為我都係運動員,大家o係運動方面都好好,真係唔會話因為佢掛住踢波而唔理我。但係,佢而家明顯用o左呢個理由要離開。

我真係好唔想,我知道係我唔o岩,係我一次又一次咁令佢失望。比我多一次機會,我一定會好好去修補番,一定唔會再好似以前咁自私淨係唸自己o架。

我可以點做呀?真係好想去同番佢一齊。

我地而家都仲有sd msg,我問佢下一場比賽係幾時,佢即刻答番我,連時間日期星期幾都講埋。到我問佢o係邊踢,佢講個車站名,我知個球場o係附近,但係之後佢又有問番我個球場名係咩,好似想確定我係咪真係知o係邊。

如果佢真係已經對我無咁留戀,咁點解又要話我知個時間點咁詳細清楚?唔通佢仲期待我去睇佢比賽?無論佢係咪有期待,我都會去睇佢踢。

只係,我真係好想可以再同番佢一齊。我可以點做呀?

Helen


Helen

你的男朋友是奮鬥夢想型青年,他的鬥心,正好給你一個機會展示你的偉大和賢慧潛質。

你協助他、成全他、支持他實現他的夢想,你願意退後好多步,並且聽從他的說話。

你從前任性和不成熟,幸好,你清楚你錯在這些地方,那麼,你向他和你自己證實,你可以改變,變得成熟、體諒、具扶助能力。

一個在夢想和事業上有野心的男人,需要的是一個幫到手的成熟女人,你能肩負這角色的話,他就會非常需要你,想你常常在身邊。

其實你們好合拍啊!而且,作為運動員的辛酸你最懂,放心,運動圈外的女孩很難全面配合他。

從今之後,你要表現出,縱使你們分了手,但你不介懷,並且繼續無限量支持他和關心他。你的大大方方,就等於無壓力的愛。

你不要煩他,不要求他復合,要做到隱影背後女人的特質。

你要有耐性,不要急進和迫他。你相信我吧,只要你找到空間留在他身邊做他最大的支持者,他始終會有被你打動的時刻,到時候,你們就會自自然然的復合。

深雪覆

advertisement
Something is wrong.
Instagram token error.
Load More