當要二選一其實兩個都應該放棄 – 覆心煩人W

貽興︰

我有一個拍o左拖8 年的男朋友A,但他是有老婆的。另外有一個男人B 追我(A是知道的),我可以話同B 一齊,因為A時常唔可以陪我,無論什麼節日,我都可以同B
一齊。

B係一個美國人,佢o係香港做o野,我們以前係同事,識o左大約5 年。

其實同B 一齊,可以話因為要有個伴,行街睇戲食飯,唔想咁悶,佢都係,因為佢都時常話有個伴,有傾有講,放假去行街睇戲,得閒去o下旅行,都幾好。


講真我鍾唔鍾意佢?我自己都唔太清楚。佢有講過如果同佢結婚,我一半時間o係美國,一半時間o係香港,o係美國的時候同佢妹妹一齊住,o係香港的時候就同我媽媽住。

我個問題o係邊?唔捨得A。因為我好愛佢,但我唔可以同佢完完全全一齊。我同A 講過,如果有一日結婚我都唔會同佢分手,佢話我唔會同第二個結婚,如果係到時先講。

不(畢)竟我就40 歲,我都只是想有個伴o者(A 完全知道我要咩,但基於佢老婆會自殺,她試過好多次了)。而B 時常可以陪我,只要我話的,佢都可以比我,只是我唔太愛佢。

我可以點?

心煩人W



心煩人W︰

很簡單的道理,往往都是最適用的。

當兩個人放在天秤,你不知道該如何分高下,或者選了A 又會掛念B,選B 又覺得放棄A其實很可惜,這時候,你最應該做的,其實是從A 和B 的死胡同裡抽身出來,乾脆兩個都不選。

因為選上任何一個,你最後都會後悔。

你最最想要的,其實是A 和B 的合體。

面對這種情況,最好的選擇有二。

放棄A 和B,主動尋找A+B 或者C D E。

又或者,調整自己的心態,清楚告訴自己,你要的不是一個人,而是用拼湊方式,滿足你的需要。

這心態調整很重要。一旦確認自己不是要等待一個完全滿足你要求的人出現,你就可以安心周旋於AB 之間,不會再作無謂他求。

當然,你也可以食住等,但這是我見過最就手但效果最壞的方式,通常,都會越弄越糟,永遠無法真正得到自己想要的,兩邊不到岸。

不要被這種兩難拖垮你下半生,好好整理自己的想法。

想通了,不管怎樣,都會比現在更少煩惱。

祝 我等故我在

貽興

advertisement
Something is wrong.
Instagram token error.
Load More