advertisement


深雪︰

你好。我是第一次o係網上發表自己感受的人,但今次我真的不知方向,希望你可以為我分析一下,謝謝!

我同我男朋友認識11 年,拍拖已6 年,當初係佢追o左我差不多4 年我先同佢一齊,我覺得佢好專一好情深,但其實佢話拍拖係咁多年來佢都好就我,相反我就成日發佢脾氣,令佢很失望,亦差不多心死。

這個是事實,但反省後到近來我已決心改過,佢都睇到,亦知我現在好好,對佢好好,但佢話對我感情已經淡o左,冇o左以前的感覺,佢努力嘗試投入但冇辦法。


而o係佢對我心死其間出現了第三者,佢坦白同我講出來,佢話佢o地仲未開始,只是得閒出來食飯同傾電話,而佢話佢同個女仔一齊好夾,唔使講都知大家想要d咩!

個女仔都知道我同佢的狀況,o係到等佢同我分手,但佢又好唔捨得我又唔想冇o左我,仲好掛住我,好多時都想著我,我唔開心佢又會唔開心,仲同我一齊喊!

我知道後,我話會成全佢,但佢又話比d 時間佢,佢而家都唔知想點。佢話佢分唔清楚同個女仔夾係唔係即係鍾意,就可以一齊,而我這份感情又是怎麼樣?佢話又唔係完全唔愛我,仲係好緊張我,我就好似佢親人咁。

另外,我同佢講如果佢肯返來我身邊,我可當一切都無發生過,但又問我會唔會有條刺,驚之後每心(次)唔舒適又有問題出現!

我真的唔知點去做,我究竟應該如何處理呢?而佢真的是一個沒有主見又唔知自己想點的人,好迷茫。

失敗的人


失敗的人

這種情況就等於,你看中一個新手袋,但你不會因此完全放棄使用你的舊手袋。你覺得,兩個手袋輪流使用,就最完美。

你的男朋友看中了一個女人,但不想放棄你。他的理想是,兩個女人都擁有,間中見見她,間中見見你。於他來說,就最完美。

我的建議是,既然是他種下苦果,那麼,你就讓他品嚐這苦果。他要決定選擇誰,都幾辛苦。在他考慮期間,你要保持心情平靜,尤得他辛苦。你可以做些小手段讓他覺得不可以失去你,你甚至可以裝出傷心絕望的樣子,但你不必為他傷真氣。

事到如今,你該一邊心淡一邊等待,你保持的心態是,他回來你身邊,OK;他不回來,都OK。

像他這樣的男人,世上太多,看中一個新歡,但又驚新關係不會長久,舊愛其實才是真愛。

我更關注的是你,若果他選擇你,你真的要做到忘記這件事,努力把關係推向前,要不然,他回頭也沒意思。

當然,你要改變你的壞脾氣,做個識趣的女朋友。

要是他不回頭,你就move on ,再找新男朋友。

當你了解以上兩個可能性之後,你就放輕一點。

第三者的危機永遠存在,男人要花心變心,藉口太多,你與其心傷心碎,不如氣定神閒。

深雪覆