孕婦的胡思亂想 – 覆阿儀

 

貽興︰

我覺得真係好唔開心,由結婚到現在3 年都無咩點開心過,經常都為了小事而爭執。但我已懷孕 6 個月了,為了BB 我經常提醒自己唔好諗離婚。

自從結婚後,我的先生開始要上大陸工作。起初一至二天,直到現在要在大陸留過夜,連續幾晚,打比佢又話好忙開會,經常做到好夜。

我真係好想去體諒佢,但又覺得自己懷孕6 個月,先生經常陪唔到自己,每晚自己孤零零。就算我去檢查,早o左一星期同佢講,叫佢請假陪我,但最後都話太多工作陪唔到。


剛剛過了的結婚週年,只係希望大家可以食餐飯慶祝o下,佢又話大陸多工作做陪唔到我正日慶祝,星期日補番食自助餐,但最後又嫌貴話算啦。我常常叫佢諗o下我感受,佢就會話我又唔體諒佢!

每當自己一個人諗起這些事情,我就會哭起來,又會諗再這樣下去係咪遲早都會離婚?定係你覺得係我唔識體諒佢,係我o既問題?

其實佢o係大陸工作,我已經好驚佢去召妓,經常胡思亂想令自己好唔開心,再加上我懷了孕,佢話費事影響BB 而唔同我行房,就算我話醫生話無問題,但佢都話有心理壓力,難道佢無這個需要?會否因為這原因而去召妓呢?但自己老婆有了BB,作為老公唔會感到內疚嗎?

我已接近30歲喇,如果離o左婚又有個小朋友,會否很難再搵到一個對自己好o既男人?

阿儀



阿儀︰

懷孕中的女人很容易胡思亂想,單憑你的片面之辭,我很難判定,你的老公是否如你所說那樣有問題。

你自己也知道,懷著嬰兒,不該想太多,如果我是你,在這情況之下,我寧願假設他沒有召妓。因為這種假設,對你來說,不論是目前抑或長遠,都是最好的。

我不認為懷孕期間兩人無法行房就會影響感情。即使害怕影響胎兒,不能進行正式的性行為,你也可以用口用手去幫他的吧?這些你有沒有主動去做?

我明白懷孕中的女人很多時候都會情緒起落,而且是無法自控的,但念頭閃過,由它,跟將它小事化大,未發生的當真事發生,吵鬧哭喊,卻是高明的女人和有問題的女人的分別了。不要讓自己變成一個不可愛的女人,如果你男人在外邊工作已經很辛苦,將來要多養一個人,壓力增加,還要應付你的無理取鬧和情緒問題,我想,我會比你更早考慮離婚的問題,不必你開聲。

所以,請好好控制你自己的情緒,除非你已經真正找到証據,否則,為自己好,為胎兒好,為這個家庭好,都請你不要再為大家徒添負能量。你要胡思亂想,凡事總往負面處想,是你的性格問題,但孩子是無辜的,你這樣做,是不斷把負能量傳給他,將來他要是遺傳了你的性格,消極?廢,凡事懷疑,全是你的責任。

祝 多想無益

貽興

 

 

advertisement
Something is wrong.
Instagram token error.
Load More