犯賤 – 覆犯賤的人

貽興︰

我一直都有追看你所寫o既書,睇o左你o既書之後真係令我明白o左好多o野,但係我仲想問你有關於男人的幾個問題,因為我真係不懂怎去處理我的事。

事情是這樣的,我喜歡了我o既supervisor。他是比我年紀大很多(我不知他幾歲),但從別人口中得知他係這間公司做了很久,所以我推算他大我很多,但係他係一個幾唔成熟
o既人,做上司的他竟然話我同他o既下屬有曖昧,當佢咁樣話我o既時候,我嬲到爆,之後罵左佢一句,然後走得很快,我個心差點衝口而出講了一句「我真正喜歡的人係你呀,蠢人」,但最終都無講到。


其實,我在很早之前已經知道佢有女朋友,但係佢仲對女仔特別好(未發生上面件事,我同佢都有野講),就算佢有女朋友,佢比我
o既感覺係佢想追曬D 女仔。其實佢之前講D 好「琳」o既o野令我覺得佢係鍾意我o既︰「傻豬,使唔使我點點點。」之後我就暗示你做梗好o架,之後佢無出聲,我覺得佢知我對佢有feel,衰o既人係我,我真係唔知點樣去控制自己o既感情。

自從我罵了佢之後,佢對我比較差了,點我做呢樣又o個樣,又唔幫我去做我完成唔到o既o野,又唔同我打招呼。我覺得很不開心。

仲有一件事令我更好像被刀割咁,就係佢同第(二)個女仔講o野講得好開心,點解要比我見到?我唔想見到佢同第二個女仔一齊有講有笑。我已經係o個次罵了他之後,唔會再比佢見到我,就係佢行左,我行右,我就算o係不知情o既情況下見到佢,我也會扮忙,快點走開,我驚我會做錯事,因為我唔想對佢女朋友唔住,但係奈何我真係沒有一刻不想佢。我覺得好對佢女朋友唔住,我唔想再想佢呀!

咁我想問男人係咪成日會癡(黐)住佢喜歡o既女仔?點解我罵佢之前同之後態度會咁唔同o既?

男人(佢)點解有一個又靚又好o既女朋友仲要講D 咁o既o野?令人覺得佢好似追跟(緊)人?點樣可以知道佢究竟鐘(鍾)意邊個?(我犯賤,想佢想到每日都做錯曬D
o野!)

祝 生活愉快

犯賤的人



犯賤的人︰

涉世未深的遇上老奸巨滑的,註定是前者倒霉;單純的遇上有機心的,專一的遇上多情的,不幸也永遠屬於前者。

你比那條魚仔nemo 更天真,被魚勾釣到了,對方甚至連魚餌都好像沒給過你,你已經急不及待,願者上釣,然而,勾引你的人,對方並非單純以魚杆釣魚的釣魚郎,而是漁翁撒網的漁夫。這種漁夫,根本不是因為你是你而出手,只要誰夠笨,夠多心,就自動埋身,所以你一旦變得麻煩,駁嘴,不討好,他就立即變臉,轉向其他盲盅盅上釣的魚毛埋手,除非你自動獻身,否則,也別奢想他會對你青睞。

問清楚自己,是不是差得這麼緊要?是不是沒人要到這地步,對這樣的男人,仍然常常在心?如果不是的話,為甚麼要趟這渾水?

明知上釣的下場就是給勾得嘴破血流,然後被隨手扔到籃裡,轉售、吃掉,連吃你那個人,也不是當初釣你那個人,死,也無法浪漫地被他吃掉,與他合而為一?這種不必要的犧牲,值得嗎?

還是那句。犯賤人人都會,但對著這麼不值得的人犯賤,卻絕對唔抵可憐。

你自己想想吧。

祝 擇賤固執

貽興

advertisement
Something is wrong.
Instagram token error.
Load More