別太貪心 – 覆CC


Dear Zita︰

你好。我已經結o左婚有一個小朋友,一年前我同一個比我小7 年o既男同事一起。

其實走在一起之前大家都很投緣,已經一起共事9 個月, 大致上係我沒有對男性劃分很清的界線的關係吧。我地咩都會傾,之前佢有女朋友,有d 感情或者更深入o既問題都會找我。有時我家人的問題也一樣會和他談談。大家朝夕相對,最後都產生起感情來。那時他已經是單身的。

起初,我只會想,一個同事,大家一起工作,話題一定會多,投緣是很正常的事。只係我太

任勝(性),想佔有他多些。因為大家咩都會講,sex
o既問題一早已經唔會覺得尷尬,又或者大家都o係外國生活o左10 幾年,思想都頗為開放。但係一講到sex,大家都會表現得好多意見,要點樣點樣先會好。再過o左一排,大家都不再紙上談兵。我地就係咁樣開始。

始終我都係已婚,可能係因為咁,我都有希望佢有人陪佢過o下週末呀、大節咁,但係自己就想霸佔所有上班o既日子。開始o左一個月,佢真係拍拖,當時我好似傻o左咁喊o左好耐,但係,我同佢?我理智d
想下,只係有肉體關係o既知己。真的,大家都好了解大家(這也是必然,一同共事日對夜對),可能忽然要我去接受多一個人好唔習慣。但係都冇理由要佢咁樣就一世唔拍拖,原因係,我根本就唔會放棄我家庭,佢亦都好清楚。

於是過o左幾個星期,我也習慣佢要照顧女朋友,但佢一有空就會陪我。好不幸佢o地4 個月都冇就分o左手,我開心唔開心就各一半。之後我係發覺我係開心多D,因為我又可以100%
佔有佢,而佢當然繼續只有部分o係我心中。

上星期,第二個女仔出現o左,佢問我應該點做。我同佢講,其實我地根本冇o野需要去瞞對方,大家關係去到咁,有咩都可以同我傾,心一定是痛,因為我再一次失去,我知道這次我o地o既關係已經唔可以再好似以前。我又好理智同自己講,係時候要走喇,大家都應該過返一D
正常o既生活,愛一個人真心想佢幸福,佢亦有同我講,雖然我唔可能一世都o係你身邊,但唔等於我唔愛你!

係,我o地大家都有一個共識,因為我o地都要用另外一個方式去愛大家,而為o左對佢o既女仔公平(雖然佢o地未開始,不過都會好快,因為已經發展得好好),佢都有坦白同我講,唔想有越軌o既行為。但佢再一次強調,佢仍然會好關心我,大家一樣咩都可以傾。其實我有幾唔捨得,幾唔習慣我都要接受,原因只有一個,我根本就係一個對佢不能完全付出o既女朋友。於佢,我仲可以有咩要求?

呢個星期六我o地提早慶祝一週年,我o地從此都唔會再以男女朋友相稱,大家都要來個了結,希望佢搵到幸福。但係我個心情完全調節唔到,仲喊起上來。

Zita,你可以教我點樣去面對?或者我只係一時唔想失去多一個人去愛自己。其實我地冇一齊工作都有半年,只係仲有keep住關係,我究竟仲想要咩?我已經有好o錫我o既老公同小朋友,點解我個心會痛?我想做返以前開心o既我。

CC


CC


人非草木,你和他動了真情,於是,事情就是如此。

有些婚外情是遊戲,但你和他,有真感情。

妒忌和佔有慾更加強了這段情的溫度。你愛他,自然就會妒忌,以及想獨佔他,這是自然的事。

如今,他會和別的女人發展一段正常的愛情,你要做的是放手。

若然,你明白愛情的真諦,你就應該知道,愛一個人,你就要讓他幸福。而幸福的定義是,讓他去選擇哪種感情生活最適合他。

倘若,他認為最簡單的愛情是最幸福,那麼,你就放手讓他與新女友發展吧!放手之後,你不要再主動找他,最好冷淡他,這樣子,他才有空間與新女友真正發展。

如果,他認為幸福是繼續和你間中糾纏,而你又配合得到,那麼,你們就繼續吧!但我認為這個可能性比較低。

你遇上他,可會是要讓你學習如何放手?

其實,你已有美滿家庭,他在此刻結識了新女友,剛好製造一次和你完結的機會。他的離開,直接令你免受家庭被破壞之苦。

這段秘密愛情,你享受過,就夠了。做人,別太貪心。

深雪覆

advertisement
Something is wrong.
Instagram token error.
Load More