見好就收 – 覆Jodi


Zita︰

你好呀,我有一些事真的想不通,很想你給我意見。

我今年30 歲,大約係8 年前(2001 年)我在網上識到個男人,當時我只係抱住玩玩o下o既態度,怎知當大家見面時就一見如故,而且感覺親切,之後我地就日日都o係網上聯絡,分享
o左好多o野,大家就成為o左對方o既心靈伴侶。

當時我係單身的,而他是已婚,仲有一個小朋友,但可能大家都寂寞啦,我地發生o左關係,可是大家立場都好一致,我絕對唔會做第

三者,而佢亦都係唔會放棄佢家庭的,咁大家就在無任何commit(commitment),而且好輕鬆o既情況下,做一對有親密關係,無所不談的好朋友。

這個男人,他是生意人,經常都需要公幹其他唔同o既國家,好少時間o係香港, 所以我地都好少見面,有時1 至2 個月先見一次,有時會半年。可是我o地每個星期都會給電郵對方,報告大家o既工作同生活狀況,而我這時同樣工作繁忙,加上我明白大家o既關係,唔會要求大多,所以o係這種情況下,我地就咁過了2年(2003年)。雖然我地見得好少,但我地每次見面都會好開心同好投入,而且都會發生關係。

但不久(2003 年尾),我識到我現任男友,咁我同佢講,話我有男朋友啦,佢當時同我講話,佢有少少唔開心,但只要我開心佢就會開心。佢問我會唔會同佢依然保持見面,我話我地唔會變的,佢當時好開心!

但如事者又再過o左2 年(2005)。o係呢2 年,每當佢約我,我都有見佢,同佢發生關係。其實我個心覺得好內疚,好對唔住我男友,但我又唔捨得呢個男人。

在2006 年中,我同我男友打算結婚。正o係此時,佢公司o既生意又出現o左問題,係好大問題,所以當時佢好忙,而且失蹤o左。我當時好擔心佢,但又怕煩親佢,所以只有電郵上問候佢。

大約2 至3 個月後,佢覆我電郵,而且他知我不久就要結婚,要出來見一見我。o係出來見面時,佢講比我知佢這段失蹤o既時間,所發生o既事,同樣都係關心我o既近況同結婚o既事,而且佢又問我,我結婚後仲會唔會見佢。事實上,我係好鍾意佢,所以我都係同佢講話我唔會唔見佢的。

o係2007 年我結婚啦,但係我結婚後一星期,佢約我見面,而且仲要求我o個晚陪佢過夜,我當時咩都無諗,只係一口就答應o左佢。但這次後我開始好怪責自己,我覺得自己好差,新婚時間,仲同第二個男人?

就係咁,我一直都無再聯絡佢,但我又好掛住佢,而且我又好擔心佢會搵我喎。因我唔捨得拒絕佢。就o係07 年尾,我地最後一次見面之後,這次佢只係同我飲完茶之後就走啦。

直到08 年頭,有一天我SMS 比佢話我好掛住佢,佢就約我出來見面,但當時我唔知自己做咩,突然好有勇氣咁拒絕佢話,我唔想再做一些對唔住我老公o既o野。

佢過左1hr 後SMS 返我話︰「記(既)然係咁,咁我地就唔好再見啦,以前o既o野當做大家美好o既回憶,現在我o地大家依然係好朋友,保持聯絡啦。」

當時我有d 傷心,咁我就同佢講話︰「你咁講,甚麼美好回憶都無啦。」

之後佢話叫我唔好咁諗佢,,佢唔係d 衰人,只係佢唔想我個心唔好受。

之後事間(隔)半年,有晚我發夢夢見佢,o個晚我電郵比佢,同佢講話,我好後悔拒絕o左佢,而且我話唔想失去佢,同問佢想唔想同我好似以前咁,同問佢點解呢年幾來,都只見我1至2次,而且點解可以唔搵我,同有沒有喜歡過我?

咁佢覆我話,其實自佢生意有問題後,佢咩都要重頭來過,真係好辛苦;而且佢現在o既事業並不順利,佢話佢當然想好似以前咁,同我多見面,但現在佢真係做唔到。佢話佢當然喜歡我,佢話佢第一晚見我時,所發生o既o野,到現在佢依然記得。佢話遲d再跟我聯絡。

這封電郵後,我無主動搵過佢,佢同樣都無搵我,我以為我可以淡忘佢。

直到最近,有一天我心血來潮SMS 比佢,問佢幾好嗎。佢覆我話,佢幾好,而且有時都會想起我。跟住我問佢,我o地會唔會再見呀。佢答我話︰「之前我地唔係討論過這個問題啦咩?」

當時我個心?死心啦!結果我話,我問係因為我唔想諗太多,記(既)然你咁答我,我想我會放得低的。

之後間(隔)o左半個鐘,佢又覆我問︰「係唔係有咩誤會呀?」

我話︰「你唔係話唔會再見我嗎?」

之後佢答話︰「當然唔係啦!」

就係咁,這件事都兩個月啦,佢都係無搵我,當然我都無主動找他。

Zita,我覺得自己好可笑。這8年我同佢真係好朋友嗎?正如佢所講有喜歡我嗎? 為可當我拒絕佢後,佢可以唔再見我?係唔係因為我已經o係佢心目中無o左用途呢?佢話會找我,再同我見面,可是卻無行動,係咩原因呢?

我好希望你可以幫我分析一下,我很想自己可以死心!謝謝你!

Jodi



Dear Jodi



你和他有8 年的關係,他當然是喜歡你,但說到照顧你關注你,他就可能做不到。

有些關係的性質會不合常規,但當中的感情是真的。

你已有丈夫,但你想保留這個情人,然而情人有點退縮,所以你不高興了,對嗎?

不如,你容許他退縮吧!他工作上有煩惱,大概,私人生活上亦不太如意。他見你嫁了人,已有男人關心你了,他也樂得放下你。

有些男人的生活和心情都無法自在。這種情況下,愛情桃花不但不能帶給他樂趣,更讓他煩心。

當然,也有可能,他對你的興趣已減。若然是這樣,不是更好嗎?有些關係,完結也未嘗不是好事。

你可能有個非常浪漫的念頭,那就是,能與這個男人秘密地愛一生一世。如今,看來做不到了。但你別憤怒,你和他有八年情,作為秘密戀情,已經超額。

不要憤怒、不要不甘心、不要貪心。你的桃花運已比一般女人要強,你享過齊人之福呀!

而且,你和他的關係沒讓丈夫揭破,實在是時運高。

我的最終建議是:見好就收。


深雪覆

advertisement
Something is wrong.
Instagram token error.
Load More