|
貽興︰ 你好。唔知你有無試過在某D時間會想返起自己以前o既感情。我最近就係有呢一個現象，令自己o既心情有點怪怪的！ 我快要結婚了。我的未婚夫對我十分好，由我地拍拖到決定結婚，佢一直都好o錫我，我就好似一個公主咁，非常幸福！ 而響結婚o既前夕，尤其係一個人o既時候，我就會想起我o既往事；而最刻骨銘心o既，就係以前o既一個男朋友，大家當年都好認真咁愛過對方，可惜因為開始o既時候係三角關係，令大家的感情都變得有點複雜，而最後亦因為有一些誤會令大家分開了；又或者，當時係因為佢唔夠愛我。但無論如何，我地都經歷左好多。 |
 |
|
|
分開大約2 年後，我地再次有機會見面；見面o既時侯，我知道大家其實對大家都仲好有感覺，但我卻唔敢再行近一步，因為我唔知大家 o既結果如何，加上我當時有點事，根本沒有心情處理感情事。但點都好，我都想大家永遠係好朋友，好過大家變成怨侶！ 當我知道大家仍然有感覺o既時候，真係唔敢再見面，只是有時在MSN 閒聊，而我最後亦選擇了與我未婚夫開始。 我知道佢都不停有拍拖，又事隔2 年，直至我決定結婚後，我在MSN 見到佢，便說了一聲，他說他知道了，因為他有看我的blog。真係唔知點解，我真心想告訴他我將會結婚，要他不用再擔心我，我o地又再次出來吃飯。 有一次，他因工作問題很不開心與我傾訴了一下，亦給了我一個好深o既擁抱，唔知點解o個一刻o既感覺，我真係覺得佢仍然好愛我，而我亦都感覺到，完（原）來我對佢都有一種牽掛o既感覺。 而最近，他告訴我剛剛與一個女孩子拍拖了，當我聽到o既時候，我真心祝福他，但亦想返起我地過往o既種種。 我很愛我未婚夫，但同時我對他有著一種牽掛，究竟點解會有咁o既感覺？究竟我又可以點？ 自找麻煩的GL GL︰ 很多人會在幸福平靜的時候，不自覺地自製點點煩惱，自找麻煩，然後好讓自己確認，自己原來真的很幸福。 有些人製造出來的小麻煩很快便消失，有些自制力弱的，卻無法控制這些煩惱衍生擴大，扭曲變形，最後整個人被侵吞，自作自受。 我不會怪責你的行為，那只是對可能性被斷絕的懷念。畢竟曾經深愛過，現在要結婚了，婚後必須專心一志，要跟過往所愛告別，割捨前塵，也沒甚麼不對。周星馳《大話西遊》你有看過吧？你的無名指上戴上金剛圈前，至少，也該跟他的紫霞告別，我看你跟他的告別式很好呀，深情溫暖，互相祝福，這是曾經愛過的兩人最美麗的結局。他有為你設想，所以才沒有多作挽留，否則，這已經是另外一個故事了，你也會比現在更痛苦更難受。 你是被寵愛的童話公主，就該有不沾俗塵的故事結束方式。你能承受跟這個最愛偷偷摸摸瞞著丈夫的卑污關係嗎？你喜歡拖拉糾纏的折磨嗎？如果不，那就這樣吧。 做個快快樂樂的新娘子，該記得的就記住，忘掉比較好的，就忘掉好了。 祝 昨日種種猶如昨日死
|
