腐女的避風港 – 覆Sandy

Dear
貽興︰

你好!我同男友拍拖2 年半左右,而我們相識已有4 年半,但發現同他相處好有問題,我想他也覺得,因為大家曾傾過此問題,有時可以好好地傾,但好多時一定傾到嗌交,大家都話會改善!當然真的進步了,但有時會重覆發生,究竟我地真係唔夾,定係人與人之間相處真的要這想(樣)改善!

問題︰大家都好計較大家講o野態度不好/易發脾氣。我與他都是易文(?)的人,都不知怎?好!我只知大家都有改善o左d,但無可能全改,真係本身性格而態度不好/差,為何大家都會覺得呢?

我真的不明白,有時真係唔覺,唔通要大家改變講o野方式,定係我地太執著大家每句說話的字眼語氣,我真的好想改善大家之間的這個問題。

我家庭比較複雜,而我地講好會2 年後結婚,因為剛儲夠錢買樓結婚,而家庭問題令我更想快點嫁給他,但當想到同他相處問題,我又好怕結婚後會變成點!

但其實他都有好多優點,但(他)真的會為將來打算,不單口講,真的有實行。當初亦因為他是嫁得過的男人,我才揀他。我們結婚買樓,一分一亳都是靠大家,他以大部份為主,但我們的收入不算高,因為我們有共同肯儲錢不亂花,這點真的很似。

現在我26 歲,他30 歲,而我無心再去識其他男仔,唔知係咪大個
o左,早幾年都仲想揀下,我又唔想為o左相處個問題而分開,好唔值,因為同其他男仔拍拖一樣會有問題,點解唔解決?

但我怕大家唔係真係改善了態度而係放o係心上,表面上扮好,而我而家只想努力工作及進修找,更多錢為大家/未來的生活,唔想再識/揀其他男仔,真係無呢個心。

另外,我發現近呢幾個月我對他的性方面全無「想」的感覺,我都唔知點解會咁。以前唔係咁,所以他想,我唔夠膽講我無咩feel,會答應他,怕他不開心,亂諗o野。同埋同他一齊好似好平淡好悶咁,好似無o左愛情o個種,我唔知點形容。

但我仍想有同他的家,結婚,一起生活,為甚麼呢?

希望你給我一點意見,謝謝!

Sandy

P.S. 想問多一個問題,你認為一個過度終生的男人,首要應該揀d咩呢?



Sandy︰

別欺騙自己,你其實根本不適合跟他結婚。

騙得一時,將來一定會後悔。

除了因為太愛眼前這個人,非君不嫁,否則,以其他理由結婚,最後,都一定會後悔。

結婚不是為了擺脫寂寞、減輕經濟負擔的工具,因為它根本不具備這樣的功能,而你更是為了早點脫離家庭而結婚,必死無疑。

你不過是由油鑊跳落火堆,急甚麼呢?

我不認為你很愛這個男人,性方面你對他又毫無興趣,這樣的關係用甚麼來維繫?就靠一紙婚書再加供樓等繁文縟節的羈絆?你真的以為建基於這樣的基礎下的關係,能夠持久,能夠幸福?

能跟你相處一世的男人,即使你不很愛他,也必須要他很愛你才行。老一脫人會說,選個老實顧家的男人比較有把握,我卻認為,找個脾氣好、懂得?人的男人,較能長相廝守。

愛情和婚姻都不是避風港。避得一時,避不到一世。你的懶惰態度,只會讓你的愛情,連同你的事業你的人生一同腐爛掉。

勇敢一點吧,那麼年輕,別像個老人精,或者飯來張口的懶散世代。幸福是要自己爭取,美滿的婚姻,也得自己尋覓打拼。

祝 回復天真

貽興

advertisement
Something is wrong.
Instagram token error.
Load More