外遇不需要通知 – 覆CK

Hi
Yi Hing︰

我有一個跟我拍了拖4 年o既男友,已經去到談婚論嫁既地步。他對我很好,我身邊所有人都覺得他好到不得了,我相信我係世上最幸福既女人。

但今年1月他同我承認他鍾意o左一個女仔,我o地有第三者。我好 hurt,因為我太相信佢所以從來無check 佢或要佢報到道(這)回事(人與人之間係要有信任),但從來無諗過這種事會發生o係佢身上。過去4年裡面,過住好開心o既同居生活。

我好愛佢而佢亦同我講過會跟第三者講清楚,我會原諒佢,我深信我o地過o左這一關將來就會好好。但朋友話我傻,男人一次不忠百次不用,將來會有第二次、第三次?佢會唔會有例外呢?

今日我o地已經各自搬返屋企住,佢每日都會打俾我,但感覺佢對我已經唔同以前,到底佢仲有無愛我呢?每日打俾我係掛住我抑或係內疚呢?我真係唔知。

我到底應唔應該再等落去?要等幾耐?抑或主動提出分手呢?但我真係好愛佢,唔想失去佢。

CK




CK︰

沒錯,男人嘛,有過一次外遇,就會想下一次。

有些能忍三五七年,才去想下一次,有些,可能十幾廿年,也有些,是幾個月,就已經身痕。

所以,你的男人,很有可能會再背叛你。

然而你要考慮的是,世上所有男人都一樣。你以為找過另一個,就可重新開始?我告訴你,拍拖幾年,快到談婚論嫁階段,你也會發現,原來,他都有外遇,或者偷偷喜歡過誰。

既然世上所有男人都一樣,你要抉擇的是,究竟哪個比較愛你,較肯付出,甚至,在外遇後較肯補償?如果發生這樣的事他都不會死狗天天求你陪你,那麼,我可以很肯定的告訴你,這男人,不要也罷。

被揭發外遇後都不著緊不交戲的男人,愛你有限。

祝 覆水難收

貽興

advertisement
Something is wrong.
Instagram token error.
Load More