一廂情願 – 覆傻大姐
|
o係05年12 月認識o左一個男仔，佢係我同事老公o既弟弟，做裝修。因為公司要搬去新既地方，所以我老闆搵佢上o黎裝修。當時第一次見到佢，已經開始有少少o既好感。 公司裝修期間，我o地間唔中都會睇o下個進度，因此我o地見面既次數都多o左，直到我o地正式搬入新公司時，佢都有o黎一齊幫手， |
 |
|
|
唔知我係唔係特別敏感，我發覺佢對我有少少意思。我記得整緊個文件架時，唔小心夾到，我痛到叫o左出來，佢當時離我幾遠，但佢都即刻走過來，幫我移開個架，其實當時有另一個同事o係我身邊；又記得有一次，我同事o岩o岩去o左廁所，得返我同佢兩個o係公司度，但佢怕醜到自己行o左出門口，唔敢一個人面對我。後來之後都無再見到佢，期間我同事都間唔中講o下佢o既近況，原來佢仲未有女朋友，當時聽到，真係好開心！不過我由始至終都無將呢件事講俾我同事聽，唔想俾公司任何一個人知。 直到去年，我老闆因為有間屋要佢裝修，又再次叫佢上o黎公司，我 o地又再次見面喇。o個種感覺真係好特別，我更加確定自己真係愛上 o左佢。而佢臨走開門o既一刻，都有回望過來，肯定係望住我，我覺得佢好似有o野想同我講咁。 後來我知道佢幾時生日，所以我決定唔可以再咁等落去，佢唔做主動，就由我o黎做，我唔想俾自己有後悔既機會。 o係佢生日o個晚，我send o左個msg俾佢同佢講生日快樂（係我偷偷睇我同事o既電話先知道佢o既電話號碼），同埋寫o左我個名。當時好驚，好驚唔知佢有咩反應，但係等左好耐，到半夜佢都未覆我，跟住我就熄?部手機。 到o左第二朝，收到兩個voice msg，但係無出聲，好o曹o架，個電話顯示係佢打過o黎（佢係用第二個手機打o黎，我亦都記得佢係有呢個電話號碼），之後再無打過o黎o刺！我o既朋友同我講，話我係唔係個msg 寫得唔夠清楚，可能唔知道我係邊個。 之後到聖誕節，我又再send 多次msg 同佢講聖誕快樂，仲同佢講清楚我係邊個，又寫埋我從來無忘記過佢，但係到最後佢都依然無任何反應。 直到1月中時，佢又再上o黎搵我老闆，我o地又再見面！其實我好驚再見到佢，驚佢唔知會俾咩反應我o羅，我覺得自己好似一廂情願咁，自作多情，好怕佢會暗示唔接受我。但當我見到佢，佢o既反應係好開心，而且仲笑得好燦爛。之前既佢係比較cool 架，唔似今次咁o羅。之後佢同老闆傾左一陣就走o左o刺，直到而家，大家都無再見面o刺！ 妳話我而家應該點做好呀？係唔係應該放棄喇？我自問已經行出第一步，點解佢依然無反應呢？唔通我真係表錯情？ 求求妳俾d意見我。thx so much! 傻大姐 Dear 傻大姐︰ 唔，作為一個女人，你已經做夠。 我很欣賞你的主動方式，含蓄、不傷和氣、隱秘、有退路。 不過，同時候，他沒有跟進啊！於是，你就知道，他對你無意思。 他無女朋友，但是，男朋友呢？又或是，他在內地有老婆仔女？也可能，他有個暗戀了10年的夢中情人。 因為你頗大方，於是，你可以在大時大節再傳類似的訊息給他，就算大家不做情人，做朋友都好呀！ 也請你保持主動爭取幸福的性格，下次，再遇上合心意的人時，不妨也像今次般勇敢。 不必在意甚麼自作多情。交朋友這種事，總要有一方主動嘛！ 總之，主動的方式要可進可退，就無傷大雅。
|