中間有女友 – 覆無奈的人

Zita︰

您好!我係你的忠實書迷,很喜歡你對愛情的見解。本人有一個纏繞多時的煩惱,望你能為我解答。Thanks a lot.

我地一起工作五年,我暗中喜歡左佢三年,但佢有女友,我只好把這份感情放係心裡。大約一年前,佢同佢女友發生問題,我忍痛叫佢對女友專一點,愛她多一點。當時,我沒有想過自己,我只想佢好,佢開心。

係呢一年,我地熟絡左。佢好關心我(包括家庭、學業、情緒、工作,旁人亦都睇到))。我


話想睇一本書、一套VCD,他會搵比我(雖然佢話向朋友借,但d野係新的)。我電腦壞左,佢會不厭其煩幫我收理。我有甚麼唔識,佢會用心教我。工作上、言行上,大家好多時都不用對方出聲,都知對方諗咩,會點做。

雖然,我知我唔應該咁做,但我亦曾經做過一d暗示,例如︰每天幫佢清理工作桌,令佢井井有條,方便工作;佢身體唔好,我買一些關於佢身體毛病的參考書比佢;佢想要咩,我都不知不覺間配合,我亦大膽問過佢點解唔叫女友照顧自己,佢常同我講無人照顧,大部份時間都留係公司。我知佢同女友和好如初,但佢從來唔會係我面前提起佢女友,佢女友係我認識的,佢亦會把我地一些電話紀錄搓(刪)除。言行間,佢有時好似暗示佢專於佢女友,有時好似不甘於,我曾經下過多次決心放棄,但當我看見佢,我又唔忍心唔對佢好。我怕我唔知仲有無機會對佢好。

難道佢從來都感受唔到我對他的好?佢會唔會因為同女朋友買左樓,所以負責任?我應該點樣面對一個我愛,但不能愛的人?佢是否對我一點感覺都沒有?我每天應該點樣面對佢?

無奈的人


Dear

無奈的人︰

我覺得你們的關係早已心照不宣。

你喜歡他,他也對你有感覺,奈何,中間有他的女朋友。

他已作了選擇,就是他的女朋友。因此,你們只可以做朋友。

你這種 case 是很典型的,而結果就是,你也會找到屬於你的男朋友。

情花無法結果,就當是命運吧!!

只要你立心另找一個屬於你的男人,就可以自然地面對他。而這亦是唯一不傷害大家的出路。

深雪覆

advertisement
Something is wrong.
Instagram token error.
Load More