假面具男友 – 覆Wah

深雪︰

我同而家的男朋友K一齊左都差唔多九個月，初初一齊時，我真係覺得佢好好，同其他男仔好唔同，佢唔睇咸碟，話有童年陰影，覺得好噁心，唔會同女性朋友傾電話或出街，又話自己唔溝女，同一大班人出去都一定會有我o係度，我唔去，佢係唔會去。同埋真係好好，日日d電話都好多，她關心我，訓唔著會陪我傾電話，我同佢亦都好恩愛，有陣時一日會做愛3、4次，但係就一星期見兩次，即係一星期6次左右。

直到今年2月左右，我開始要為考試做準備，冇咁多時間理佢，有一次佢check我d野，見到我同以前d異性朋友的親密照，而大發雷霆，仲話要散，又要喊，雖然最後都冇事，但係就好似有一道裂痕，佢就話因為我冇同佢講過有o個d男仔的存在，但係o個d男仔都唔係我男朋友，而且而家又冇contact。

最近一個月佢升左職，o係公司入面好話得事，好似間公司冇左佢會死咁，我同佢同一間公司的，所以佢冇講大話，亦都因此佢成日都好累，又話好大壓力，以前我要返學，所以十二點就訓，佢就三四點先訓，而家我唔駛返學，佢就成日話自己累，十二點就訓，而我就真係訓唔著，所以都係三、四點先訓，我成日都覺得佢有可疑，而且最近做愛時，佢成日做都一半就軟晒，又或者做到一半大家已經好累，流晒大汗，但係佢都仲未射精，一半大概差唔多半個鐘左右。平時做愛同（通）常都差唔多九個字左右，而家就成日都要分上下半場，要等佢回氣先再o黎過，其實近三個月已經減少好多做愛o既次數，一星期大概二、三次，但係近依個幾月佢就好似愈來愈唔得，但係當我同佢全程口交（因為月經），佢又好正常，唔會無端端軟或射唔出，近兩個星期我專登俾佢休息下，點知昨晚再o黎時，佢又係要分上下半場，佢就話自己壓力太大，所以咁，我就懷疑佢係咪有其他性伴侶或者成日自瀆，但係我用盡所有方法check佢都冇，佢o既財政歸我，佢可以話係冇乜錢，而且電話、電腦、e-mail、ICQ，甚麼都check過，半夜失驚無神上佢屋企又試過，突然夜晚打俾佢又試過，但係都係冇o野，只係check佢上過甚麼網時見過佢上鳳姐網，又超多o個d
sex留言版網，超多日本AV女仔。

我依家真係唔知點好，首先，我成日諗住佢之前成日呃我，當然我揭穿佢真面目咁多次我都冇再出聲，因為怕佢又再自殺。第二，佢先得o個廿歲，如果真係成日都o係性方面唔得，咁我以後點呀？我又好驚佢真係有第二個，有陣時我又會諗，係咪我自己唔夠吸引力呀？

請指點迷津！

Wah