每天也活在煩惱中 – 覆m&m

我和男友（應說是前度男友）在04年2月分手，當時我地拍拖4個月！其實我地大家係冇同過對方講分手架。事情係咁的︰04年1月尾時，有次佢返左大陸玩，返到黎（係果晚12點幾）打比我同我講佢唔見左$3000（佢冇用銀包既習慣，只將錢放入褲袋）+
手提電話。佢當然好唔開心啦，佢話諗住轉左個電話號碼佢，因為該電話號碼已試過唔見幾次電話，講完之後就收線喇。

衣（這）幾個月心情已好轉，但腦海總是離不開佢咁，好多時都會諗起佢，一諗起我地點解會咁戲劇性而分開，心係難過的，起初仲好唔甘心！有一次為左拎番我D野，咁我比左我個手提號碼佢，到而家我都未拎番我D野架，因為好多時佢都好忙，我又有我忙既時候，仲（總）之好多障礙阻住我拎番我D野！佢知道我電話都冇打過比我，可能真係好似我朋友咁講佢已經有左第2個女友喇，一直都係傳言，我及我既朋友都未見過，算啦，有又好冇又好，都唔知點解會咁不幸架！好煩呀！感覺話比我聽我仲鍾意佢，但係直覺話比我聽佢有女友，真係好想講清楚咩野事發生，講都冇人信會拍拍下拖失去聯絡架！

Dear m&m︰

當然就是致電給他啦！

分了手，也可以聯絡，事實上，你倆沒有反面。

他有女友、沒有女友，也不構成障礙。你們的事就是你們的事。

難得心中仍惦念，不如就見一見。他也未必不想見你。

但我肯定，他有種太極高手個性，你多數沒他奈何。

儘量不要猜測他。你只管自己心意勇敢去做就是了。

深雪覆