沒有同性朋友 – 覆Leila

深雪︰

我好鍾意去呢個網站睇其他人既case同你既解答,而家我有d問題想問下你,希望你可以抽少少時間出黎睇一睇啦!thx.

我係一個17歲的女仔,我本身拍過一次拖,對方係一個大我4年的男仔,佢係我屋企會所的職員,佢對我都幾好,不過佢一直都覺得佢配我唔起

(佢雖然讀過form 7,但係佢覺得自己冇前途,我同佢一齊冇幸福,而且佢同我差唔多高)佢覺得我係一個條件好的人,我應該可以搵到一個比佢更好的人。但係放榜之後,因為會考成績唔係咁理想,雖然可以於香港讀到form
6,但係我阿媽覺得出去讀會好d,讀少一年又可以多d機會讀到大學,所以去左澳洲度讀書,我同佢於去之前都承諾過好多野,但係因為屋企男多女少的關係,所以我係一個好男仔頭性格的女仔,好容易同男仔一齊玩,同d男仔玩得好埋,而女仔的朋友就好少,就係因為咁,佢就覺得唔係咁好,好唔開心,跟住同我講分手,佢叫我要反省下點解會有咁多男仔朋友,仲要係玩得好埋個隻。佢話仲係鍾意我,但係佢覺得於澳洲我應該可以搵到一個好過佢既男仔?我地15個月的感情就咁就冇喇。

分開左之後,我地仲係會有聯絡,我識左好多男仔朋友,女仔朋友就冇乜,我都唔知點解,我有嘗試過的,不過?我發覺男仔的話題我比較有興趣。於呢度讀的第一個course,已經有好多人話鍾意我(我已係單身),但係我都只係當佢地係friend。後來有個friend話我聽,原來我對d男仔太好(病叫佢地戒口、管住佢地、唔比佢地講粗口、唔比佢地食煙等等),令到佢地覺得我鍾意佢地,而且我咩都冇所謂,又好動,成日笑,搞到d男仔個個都鍾意我喎,但係呢個係我一直對人既態度呀。我改唔到。

之後,我述(讀)另外一個course識到一個男仔,佢都係香港黎的,佢對我好好,同其他男仔唔同,唔知點解我對佢好似好有興趣咁,成日都會好留意佢,佢大我2個月,係d朋友的朋友,不過係同一間學校的。我地開始成日於icq度chat,講下講下,覺得我自己好似鍾意佢咁,所以我地就一齊喇。到而家為止,我同佢一齊左差唔多1個禮拜左右,我地每日都會傾計,一齊返屋企等等,感覺好甜蜜,同之前的男朋友完全唔同(我唔係話好鍾意之前個男朋友,不過那時未拍過拖,想試下,咁?佢話想同我一齊,所以就一齊左囉),我地一齊之前佢話過知道我對d男仔好好,佢話唔介意,話會比好大的自由度我,我可以同d男仔好似平時咁周圍去、周圍玩,但係好奇怪,同佢一齊之後,我竟然少左同其他男仔一齊玩,我唔知點解,只係唔係好想。

其實我唔係好知道鍾意一個人的感覺係點,因為我唔知點樣先叫做鍾意一個人。我係咪鍾意而家呢個男朋友呢?另外,我點樣先至可以識到多d 女仔呢?我唔會扮靚,所以女仔的話題唔係好?我囉,我鍾意d男仔野,咁我應該點做好呀?有時我想融入佢地的圈子,但係唔知點解佢地好似唔係好想同我傾計咁,做唔到深交,我香港的朋友話因為佢地唔抵得,會咩?

好似有好多問題咁,真係唔好意思喇!thank you!


Leila




Dear Leila︰

如果你今日的男朋友不介意你身邊的朋友的性別,你大可以繼續與男孩子交朋友。

朋友緣也如愛情緣,或多或少有註定的成分。始終都會碰上知心的女性朋友,放心。

你自知無做虧心事的話,與誰交朋友也無問題,在你男朋友跟前就收儉一點,那麼他該無話好說。

慢慢,當你日漸成熟,你就可以完全清晰界定愛情與友情。你多人追人又開朗,實習的機會多著呢!

但你記住,在男朋友跟前,一定要收儉,不要分分秒秒向不相干的男生拋媚眼。收儉一點,就等於尊重你與他的關係。

深雪覆

advertisement
Something is wrong.
Instagram token error.
Load More