兩地情背叛-覆Jenny

 

深雪︰

原來談戀愛真係好折磨人。原來係我將愛情呢回事看得太純真,現在我恍然大悟,人原來可以這樣做。為甚麼人類的感情世界會這樣複雜?為什麼佢會在自己都唔想的情況下做出背叛我的事?我努力為佢做到專一,為什麼他卻做不到?難道呢個世界真係做唔到一生一愛情?

我和他,今年21歲,拍拖有3年,我

在香港,他在大陸,因為呢個原因我屋企人唔鐘意我同佢一齊,我唯有瞞住屋企人同佢一齊,呢方面我同佢都承受好大壓力(佢在大陸又係男方和被隱瞞那方,所以我見佢好似壓力大過我)。佢對我好好,佢好重視佢屋企人,但佢讓佢所有屋企人都認定我。我地好少時間可以見面,每次見面都總有一定時限,所以相處機會唔多,我地兩個這樣一齊真係好辛苦。但我看得出佢對我的認真,佢為了爭取多時間同我一齊,很努力地終於搵到份工作可以在香港某賭船上工作,際遇關係,呢份工令佢好唔慣,承受左好多野,但佢無放棄,我知佢對我既付出。我地兩個為維持呢段關係都付出唔少。

去年11月香港工作合約期滿。今年6月因某原因轉往上海至韓國航線船上工作,上月底(11月)該船結束他回到大陸,但竟然,我知道左佢同在船上另一女仔一齊過(佢話係前一兩個月既事),佢地已經做左對唔住我背叛我的事,仲係好嚴重那種。我好傷,真係好痛好痛......。我問佢點解要這樣做,佢所講的就係我地兩個承受的壓力瑣事,仲有佢話佢好似好多野都比我低,之前佢已經成日話我睇低佢(可能我有些行為令佢有呢個誤會,但我當然唔係睇唔起佢啦),我同佢講過,我係唔會同一個我睇唔起的人拍拖,即使佢而家可能好多野比我低,但我對佢既將來有信心先繼續同佢一齊。但對於我來講,佢所講既,真係只不過一個解釋的借口,佢這樣做,我真係好傷心。而家佢好後悔,佢會來香港搵我,但係後悔又如何?對於我來講,事情已經發生左。

我需要面對。理智的我知道其實同佢要有將來已經比一般情侶面對的更多更難(因為我覺得我的結婚對象需要有穩固經濟條件,大家都這樣年輕,我覺得佢真係需要再努力多幾年,但如果我而家同佢結婚我地先可以有機會長期一齊,所以佢有提出過結婚,但我唔想草率我的終身幸福,之前我已經好矛盾),我有想過不如趁此作個了結。但原來我唔係我想像般堅強,我好恨佢做過的野,我唔想接受,但我內心其實都想比多次機會佢,因為我唔想無左佢,我真係好矛盾,我應唔應該俾多次機會佢呢?

多謝解答!


Jenny




Dear Jenny︰

請你明白,人性是軟弱的,他與你分開兩地,他又年輕精壯,難免會把持不定。

作為一個女人,你一定要接受男人會曳曳的事實,而最重要的是,事後他會後悔,想你原諒他,並且表明他是愛你的。

你冷靜地想想,除了今次他犯過錯之外,其他時候呢?如果他已算是不錯的男朋友,你無謂做得太絕。

除非,你真的無法接受男人不忠此回事,要不然,我不鼓勵你分手。事關,你下一個男朋友,也會犯差不多的錯誤。

深雪覆

 

advertisement
Something is wrong.
Instagram token error.
Load More