|
深雪： 一個月前，男朋友提出分手。 我地係同學，拍左拖5個月。我地好夾，所以呢幾個月我地都過得好開心，但係突然間佢冇打電話俾我，我打俾佢，佢都只係有簡單既回應。我以為佢係因為考試壓力大先至係咁，所以我冇追問佢究竟發生乜野事。幾日之後，佢提出分手。佢覺得佢對我 |
 |
|
|
唔好，覺得自己好貪玩，但又覺得我對佢太好，所以佢覺得好內疚，覺得自己唔適合做人男朋友，更加覺得自己唔識愛人。 第二（日），佢打電話俾我。我嘗試話俾佢聽我唔介意佢所謂既缺點，因為我一直都好開心，所以佢根本唔需要內疚。佢既回應係，就算我唔介意佢係咁，但係佢介意佢自己，所以都係要分手。佢話佢仲好鍾意我，佢亦都好唔捨得我，佢想我地做番好朋友，不過我覺得如果大家仲鍾意對方，做好朋友係冇可能既事，但係我最後都無奈答應左。 佢話佢仲好鍾意我，好唔捨得我，咁點解佢仲要分手？ 佢話第時可能會追番我，咁我依家應該點？依家有人追緊我，呢個人追左我5年。我應唔應該接受佢呢？但我對佢少少感覺都冇，不過又覺得應該俾個機會自己。我覺得如果我等我以前個男朋友係一件好蠢既事，不過我真係好鍾意佢。 希望你可以幫我分析一下呢件事。Thanks!
Dear 賢︰ 當男人未準備好去愛一個人，他就會無能力去愛，然後縮沙。男人，是受不住愛情壓力的。 於是，他們很愛你也會放棄你，然而，又想留住你在身邊繼續對你好。你的男朋友就是這種男人。 如果，你讓他做你的普通好朋友，你將會得到非常好的待遇。而當一天你告訴他你有人追求了，他就會非常妒忌。說不定，真的有天就追回你。 不要傷心，真的，不要為男人的懦弱而傷心。
|