|
深雪︰ 你好呀，我既職業係一個女警，前幾個月同我男朋友分左手，近呢一個月，同一個同隊既師兄好好，可惜佢有女朋友，上一個月佢同佢女朋友同埋佢屋企人一齊去日本旅行，而佢同我講佢都唔想去。 係佢去日本其（期）間，佢日日都有打電話比我，我覺得好開心。有一次 |
 |
|
|
我同佢講，我果晚訓唔著，第日，佢就同我講，佢同佢女朋友講左，大家暫時分開下，之後我問佢點解，佢話因為我。當佢返左黎香港之後，我就同左佢一齊，之後仲一齊去左廣州玩，好開心，但係，佢同我講，要我比時間佢，佢唔知choose邊個好，而我呢一個月就係度等，我間唔中都會同佢出街、睇戲、打機，呢一個係我同佢既共同興趣，佢話佢女朋友唔鐘意。同佢一齊好開心，但係問題係佢都唔知自己choose邊個好，我有同佢講，不如你同返佢一齊，佢問我係咪想放棄，我話唔係我唔想，但大家咁好辛苦，而佢，只係叫我比多少少時間佢，我鐘意佢，我比時間佢。 我問佢，你想點choose？佢話佢自己都唔知。我有同佢分析過，佢同佢女朋友一齊咁耐（年幾啦）一定有感情既，而佢自己都話係。 係時間上，佢女朋友同佢長過我，但係佢話佢都一樣咁鐘意我，我真係唔知點好。我之前冇諗過要做人第三者，但係自己又做左，我都唔知點好，鐘意左，就唔想放棄。而我同佢講，我同第（二）d男仔出去，佢又叫我唔好。 我都唔知點做好。我呢幾日都好少搵佢，因為我同佢話我想放棄，但係佢又叫我唔好。跟住呢幾日佢就好少搵我。佢話等佢諗清楚再搵我，我真係唔知點做好。我只有send 我都唔知佢係唔係會choose我，我同佢講過，我遇左佢會返去佢女朋友身邊，但係我真係鐘意佢，我唔會後悔。
Dear KK︰ 我反而會欣賞一名小心地二揀一的男人。一來他可以肯定自己的心意，二來，他放不低原來的一個，證明他不是薄情的人，這一點很難得。 而我同意的是，三個人做同一行，他們又是公認的一對，就算他揀了你，你的壓力也會很大。 隨緣吧，愛情會指使他去揀清楚。
|