他有多名女友 – 覆意亂情迷
|
深雪︰ 你好。我識了佢都有幾年，我地係同事，大家開頭算得上係傾得埋。當時佢有女友我亦有男友，大家無表示過對大家有感覺（但我係有，原來佢都係，不過係後來先知）。 後來，我結了婚，佢亦係。大家就無咩聯絡就算是同事。直至一個月前，我約佢出來食飯，原意是當普通朋友的，但就發生事，後來他向我表 |
 |
|
|
示對我有感覺，我亦坦然向他表白我對佢也有感覺。但可借（惜），我已結了婚，而佢就離了婚不過仲有兩個女朋友。 我地係（在）這四星期，每星期出來見面一次（weekdays）。我地在第一次見面時已kiss及拖手，到第四個星期已上床。其實上床唔算只是佢的意思，其實在情到濃時，我亦唔介意。 第四個星期剛是四天復活節假期，我老公不在香港，但佢只分得一個十二點後的約會給我。我好唔開心，為何他不籍此機會分多少少時開俾我呢？我唔貪心呀，一個dinner?。仲有佢應成（承）我同我睇戲，但到頭無做到。我好唔開心，佢都算關心的，佢成日話唔想我唔開心，但可能在不知不覺中做了我唔開心的事了，而我亦唔想好push佢咁，我understand佢的situation，但我已對佢有expectation 佢個人我覺得佢唔係玩弄感情的人，其他同事也稱他為好男人呢。但為何會這樣呢？佢話佢係同時地鍾意咁多人呢。我應該怎樣做呢？女友甲不知其他人的存在，女友乙只知女友甲的存在，但我就知甲乙的存在。我唔想離開佢，但又唔想離開我老公，我應該怎樣做呢？我是否應該離開佢，就算我唔想？或者我可以continue我?的關係呢？我是否好cheap呢？
Dear 意亂情迷︰ 他當然不會投資愛情在你身上。因為你有丈夫，他才不想做出不保護自己的事。 他對你有感覺，但感覺不是愛情。當年他離婚，他必定向自己發了毒誓，以後也不要任何穩定的關後。因此他今日就有多名女朋友。 你也不要貪心，當他是一名情人好了。如果你與他有真正的強烈姻緣，你們遲早會知。但我看，你與他，只有這麼多。
|