他當我是甚麼 – 覆Anna

 

Zita︰

你好!我大過我男友的,佢22歲,我25歲,佢係我初戀,我知佢以前有好多好多女友的,但同我一齊時佢無女友的,我亦知我係佢咁多女友中最細的一個,佢以前d女友多數大佢8-9年添!

我第一次拍拖,完全唔知一個女朋友應該點做才對,我只係想日日見到


佢!最初佢亦好開心日日見我,但自從我地有左關係之後,佢嫌我煩,唔想成日見到我,寧願陪d朋友飲酒亦不想見我,後期關係改善,佢仲攬住我話好愛我,但第日忽然不聽電話。幾日後,佢忽然話冷靜期,不久,更要分手添!佢話分手並不涉及第三者!

我好hurt,我非常非常愛佢,雖然只拍拖三個月,我已哭得死去活來,甚至打算自殺添!我實在愛他愛得好緊要,他是知道的,後來,他call我,甚至要求繼續肉體關係,我不捨得他,故答應他,但當我問他當我是甚麼時,他不答!我好難受,感覺自己連送上門的妓女也不如,他除性以外,亦不斷問我要錢,我同樣願意!呢個關係維持左9個月,之後我同屋企人為錢有磨擦,唯有搬走,個時佢攬住我講對唔住,佢亦俾我去佢屋企食飯,佢父親仲話咁耐無見添!

但經濟方面,我無法再負擔啦,加上佢態度太噯味,我唯有離開他,但他仍keep住3個月左右call我一次,我不敢覆他,我怕自己不懂拒絕他!現已數年啦,佢無call我4個月啦,但我又miss佢,我覺得自己好cheap!

Zita,對不起,我花你咁長時間,我想問你覺得他那時其實對我有無感情?分手後,點解佢會咁樣?佢而家又點諗?會否後悔?謝謝你!


Anna




Dear Anna︰

你屬於愛情IQ低的女孩子,無理由由得他搵你笨咁多年。

明顯地,他的目的在財色兼收。他在最初有冇愛過你已一點也不重要。就算他有愛過,那種愛也太少。

深雪覆

 

advertisement
Something is wrong.
Instagram token error.
Load More