誰才是我的選擇(下) – 覆Kirsty

深雪︰

你好。首先多謝上次你回了我「誰才是我的選擇」的topic。

言歸正傳。我新男友有一個習慣,就係會check我mobile的call,目的係睇下有冇其他男仔打比我或者send
message比我,所以我每次都要於電話做手腳。直到有一次我呃佢我同屋企人上大陸,其實係同舊男友去街,

佢唔信我,打電話去我屋企check發現我講大話,之後佢打電話去我舊男友度搵我,我先知道佢check我mobile果陣已經記低左舊男友個電話,最後終於知道佢自己一直以來都係第三者。

佢係電話度同我講話佢其實出面都一直另有女朋友,即係我都係第三者。我當時好嬲佢,唔係因為佢瞞住我同人一齊,因為我自己都做緊同一樣野,而係佢竟然記低我男友電話,我覺得非常cheap呀!分手大家都講都出口,諗住算啦都唔籍(值)得嬲喇,但點知佢兩日後call番(返)比我,話佢其實呃我,佢冇同人一齊,仲問我有冇愛過佢,我答「有」。跟住開始佢就不停咁等我,等我同舊男友分手,話因為好愛我,呢一刻我冇再嬲佢,仲覺得自己好衰,一腳踏兩船兩個男人都唔嬲我,反而係不停咁等我揀佢地,仲同我講唔嬲我。唉!我可以點呀……深雪可以比意見我嘛?


Kirsty



Dear Kirsty︰

今日,唯有用心去楝,而這亦是你的責任,始終一女不能服待二夫,最後你也只能有一個男朋友。

也是這種時候,比機會你更去了解你自己,究竟,你最想與甚麼人一起。

我不認為你的男朋友cheap,而是他疑心太重,不過也難怪他,他明知你有另外一個。

你要做決定了。

深雪覆

 

advertisement
Something is wrong.
Instagram token error.
Load More