一起的觀點 – 覆阿an

Dear
Zita︰

我每天都有睇你既文章,你確有獨特既見解,希望你能解決我的疑難(唔好意思,寫到咁長)。

呢幾排好唔開心。四年前(中四)在一個聯校宿營認識了他,他大我一年,camp之後,大家在中四至中五其間不斷通電話,有時都會出街,在中五的時候(他中六),他更報讀了我所上的補習班(但以他的成績,根

本就無需要上補習班),但由於當時快要會考,加上屋企唔俾拍拖,所以我唸盡辦法逃避他,連補習班亦沒去。

係今年考完A-level(今年五月),我心血來潮打電話俾佢,係言談之間,佢問我有冇拍拖,我答︰而家冇,但以前有。(在沒有和他聯絡其間,我確實拍過三次拖)。我當然反問他,他說︰有,不過有d阻滯。後來大家亦斷斷續續有傾電話同埋send
email聯絡,到左9月,佢去左英國讀書(我之前有聽過佢話可能去英國讀書,但未落實),佢係十月打長途電話俾我,大家都係傾d好鎖碎的事情,之後大家亦有send
email通訊,直到十月底,佢同佢女朋友(係香港)有argue(我從e-mail得知),佢內容寫到好down,於是我便打長途電話想問候下佢,開解下佢……點都係朋友,打左兩個星期先搵到佢,一傾傾左兩個鐘,原來佢兩個星期冇開電話(我唸係因為同佢女朋友argue,想泠靜下),佢話佢覺得「女人唔講道理」,真的嗎?(我認為視情況而定,我認為argue緊的女人係唔講道理,但calm
down後又係另
外一個人),呢d結論應該係於佢女朋友得番(返)的結論,anyways,成兩個鐘大約只有五分鐘提及他的女朋友,在傾談當中,他發覺大家對很多事情的觀點十分相似(如︰自己的理想、周邊的大學同學都以假面具相處……),在談及自己我「理想」時,大家的目標都希望盡快賺一大筆錢然後同喜歡的人一起去外國生活,離開複雜的社會……到最後收線時,他加了一句︰不如我地遲d一齊去那個地方(即我地認為理想既地方),但為了掩飾自己(我好保守,女仔唔可以追男仔,如果唔係就唔京(矜)貴),所以我答︰睇下到時有冇機會啦。

我這幾個月不斷在想,十分後悔當時沒有接受他,因實在很難找一個人與自己的觀點相近,(我)十分憎恨自己,我每天在想(發白日夢)如果能和他一齊就好,(有時在安慰自己)如果四年前接受他的話,又未必能維持到現在。

你認為他還喜歡愛我嗎?有發展的可能嗎?(但我不想因為我的出現令佢同個女仔分開,因為多數呢d愛情都冇好結果)這幾個月都冇心機讀書,就算是望住本書,都在想……希望你能解決我的疑難。

他會係christmas番(返)香港,起初佢都冇唸住番(返),但佢而家話有d野要番(返)來解決(我唸係關於佢女朋友),你認為我能夠做d乜?除左坐係到等(我知男人唔迫得,再加上我現在只是他的朋友罷了。)

很多謝你的幫忙!


阿an



Dear 阿an︰

我相信他十分明白你與他的觀點相近,交流順暢,只是,他未有追求你的意思。

原因,是因為他有女朋友嘛!

這種case,你真的唯有等他追,到他有心理準備時,他自然會追。你主動去追他,只會攪破壞。你也不想做第三者吧!

你的責任是,笑口常開,支持他,了解他,讓他明白,你實在十分難能可貴!

 


深雪覆

 

advertisement
Something is wrong.
Instagram token error.
Load More