誰才是我的選擇 – 覆Tang

Dear深雪︰

我和現任男友拍拖已經有八個月了，跟他感情尚算穩定。我現在有份安定職業，但他還是一無是處，找了很長時間都找不到工作，我並唔係介意出街有時係我比錢，但因為遲遲也未找到工我真的十分不開心。他性格非常內向，很慢熱，跟我的性格剛好相反，父母又唔係幾鐘意呢個男仔，有時我真係覺得好煩好煩。

近排我識左另一個男仔，做gym時識的。他是健身教練，每次我做gym，佢都會走過來陪我，有時一陪就三小時。佢係一個非常細心的男仔，健談，剛好和男友相反。有一次我唔開心，佢陪我出去行，之後攬住我錫左我一啖，仲講我聽由第一日見我開始已經想搵機會同我傾計，但都唔知點開口，直到有一次我問佢部machine點用果陣開始先識到我。唔知點解我有少少動心，於是同左佢一齊，男友當然唔知。

我覺得自己好衰好衰，只係幾日既時間我就感受到一腳踏兩船既感覺係好不安同辛苦，但我真係唔知點揀。論條件，新識的比我男友好得多，最少感覺上佢真係protect到我，佢唔洗我take
care，係佢take care我，有固定職業，性格和我好夾。但男友卻統統和他相反，但男友和我有一定的感情。我真係唔知點做呀，係唔係比緊excuse自己同新男友一齊？另一方面我很擔心新男友始終都係gym場返工，見到女仔多的是，真的擔心他會否一心一意。我可以點，我唔想繼續咁落去，好辛苦，希望你可以比意見我，thanks！

Tang