好驚好怕 – 覆醜八怪

深雪︰

你好。

從好耐之前開始,我鍾意一個男仔,可惜的是當我發現自己愛上他的時候,同一時間又知道他會到外國讀書。已經4年喇,我就一直暗戀足4年!

我知道自己好白痴,但我對身邊其

他男性真的一點興趣也沒有,眼裡心中就只有他。我一直都好掛住,好想同佢見面,旦(但)其實我同佢已經2年無見。至於我同佢既(的)交情,全部只建築於icq、email之上,有時我覺得大家似netfriend多過真朋友。不過我仍然好珍惜呢兩個唯一可以同佢溝通的機會!

今年xmas(X'mas)佢又再一次番黎(回來),我當然想見佢,佢都有提及過,我地出黎(來)見一見,飲杯野都好。我當然求之不得(我覺得自己好cheap的其實……) 可惜,我近呢一年都飽受暗瘡困擾,係好嚴重好勁的情況,雖然近月有所改善,旦(但)面上好有多好多好血紅的印、疤痕,有好多次我一路照鏡,眼淚不斷不斷流,我唔知道點解無啦啦可以生咁多暗瘡。以前我讀中學時的皮膚都幾好,完全無暗瘡煩惱(我今年20歲)。旦(但)到而家,當我有機會同自己深愛的人相見.……我又變得極度醜樣,個樣好核突好恐怖……

我問題係,當佢約我時,我應該點拒絕而唔會令佢覺得我唔出係因為我唔想見佢,又或者係因為我討厭佢,佢大概一月中就走,好可能要到summer先再番黎(回來)……求下你教我應該點做,我已經決定無論點都唔會比佢見到我個核突樣…… 好希望有同佢相見既(的)一日,旦(但)唔會係而家……

醜八怪



Dear醜八怪︰

如果我是你,我會坦白告訴他我的臉上情況,然後再約定他半年後見面。

他一定會好奇到不得了,究竟,你有多醜呢?今次見不到你,反而加深了印象也說不定。

他走了之後,你最好立刻就醫。見醫生之前,就拍一張照片做「醜之見證」。六個月之後,見了面,再給他看看。

深雪覆

advertisement
Something is wrong.
Instagram token error.
Load More