|
貽興： 您好！希望（你）能盡快解答愚蠢的我！ 一次偶然機會下在街上遇見初戀情人，相距10年才第一次在街上遇見，奇怪那一刻竟然心跳加速，或許一直盼望再與他一起吧！ 遇見那次我害怕到甚麼也沒說，say hi 便走了。第二次他在等我，也是與上次一樣談了兩句便走了，因為我趕緊上班。第三次是他見到我走過來叫我，這次我們交換了電話了。 |
 |
|
|
我不敢很快致電他，終於有一次鼓起勇氣打給他，大家傾得好開心，他的甜言蜜語令我心動了，希望與他一起，所以好直接問他結了婚未？他話未結婚，他返問我，我話未結但有男朋友，之後都間間斷斷有傾下電話。 有次在朋友的朋友間得知他已經結了婚，同時他太太剛剛生了BB 仔！因為怕自己會行差踏錯做o左衰人都唔知，所以立即SMS 問他，他沒有即時覆我。第二天他SMS 同我講sorry，又話做朋友就打電話比佢，我想了一陣不知為何致電他了，當晚大家在電話中傾了很久很久，他也有解釋原因，不自覺又沒有嬲了，可能我真的未死心吧，又原諒他的不老實。 因為與男朋友的問題，有時候會send SMS 給他訴苦，而他回覆會以「傻豬」來稱呼我，見面時又會好細心為我點食物，幫我整好飲品等等，真係好細心，見面唔多所以每次好珍惜。可能現在男朋友根本連這些基本o野都比唔到我，所以好enjoy 佢（初戀情人）o既細心吧！ 我好想知道佢的心態，點解見返時唔同我講真話？要我篤爆佢？朋友關係為何對我那麼細心？我應否問佢還喜歡我嗎？ 謝謝！ 蠢人 蠢人︰ 如果你的初戀情人寄信給我，可能會說，我的老婆同我好唔夾，我對佢細心，佢又完全feel 有句話，叫做「不在其位，不謀其政」。 套響呢度o既解釋，簡單o黎講，即係，如果你同佢老婆位置交換，我可以好肯定，你雖然坐正「老婆」呢個正印角色，但佢o既細心溫柔，肯定你一o的都分唔到。佢一樣會對其他女人獻殷勤，可能係舊情人，或者同事朋友。 到時，你就係被瞞騙果個。 男人結婚耐o左，一定會嫌自己另一半呢度唔好果度唔好，冇o架，日對夜對，柴米油鹽，執屋掃地，仲邊有距離同夢幻可言？ 你只係佢覺得potential 的外遇對象?當然，大家各自有另一半，如果你情我願，倒公平得很，不過我勸你，咪天真以為佢會為你離婚或者只愛你一個。 在泰國菜館等人送來一碗雞燉翅，就像你在這位置等你跟女友分手，只愛你一個一樣。 逢場作戲，你肯演，戲就有得做落去，你唔肯，佢就繼續cast 其他人，就係咁簡單。 祝 有戲有力
|
