鬼月來到了！這5個禁忌你要知

踏入農曆七月，據中國傳統的說法，亦即係踏入鬼月的日子，相傳陰間的「好兄弟」會被放出來陽間，無論你是否迷信，呢啲禁忌也要留神，小編就覺得世事無常，寧可信其有，都係小心為上，以下5個禁忌記得盡量不要做啊～

成日聽長輩話每個人身上都有三把火，分別在頭頂同左右肩膀上，代表住人嘅「陽氣」，可以保護我哋避免好兄弟接近，如果拍別人肩膀，可能會將肩膀上的火拍熄，引鬼魂上身，所以記得唔好亂拍啊！

紅色喺陰間代表「見血」，所以夜晚盡量避免着紅色衫出門，特別係會化妝嘅女仔，盡量唔好搽大紅色嘅唇膏，唔係嘅話會好容易俾好兄弟睇中！

鬼月最好避免去危險的海邊或溪邊，因為傳說水鬼會喺呢啲地方搵人做替死鬼，等自己可以投胎，所以依家雖然正值夏天，今個月就避免去危險的水域玩喇～特別係夜晚呢。

聽講口哨的頻率同靈界一致，如果你喺晚上吹口哨，好兄弟會以為你在呼喚梗佢哋，引嚟佢哋嘅注意，所以記得注意喇～

女仔出門要注意，最好將頭髮綁起，披頭散髮出遊容易被好兄弟當成係「同類」……