東京限定,超可愛熊貓香蕉蛋糕準備開售!2017日本必買手信攻略!

去日本東京買手信,相信大家都好識做,「東京ばな奈」香蕉蛋糕係唔少人嘅選擇,除咗普通嘅款式,嚟梗仲會推出超可愛嘅熊貓版!

今次嘅熊貓版,圖案一共有三種姿勢,呆萌嘅微笑超融化啊~買完驚唔捨得送畀人呀~

原來今次呢款新商品係同「熊貓保護支持基金會」合作嘅商品,買嘅同時,仲幫到真正嘅大熊貓,好有意義。

熊貓版香蕉蛋糕將於12月19日在JR上野站搶先販售,12月20日後就開始喺JR東京站、大丸東京店、東京晴空塔等三個銷售點正式開賣,有去日本嘅朋友記得留意喇~

販售價格:515日圓/4入、1080日圓/8入、1595日圓/12入(以上皆含稅)

除咗香蕉蛋糕,仲有其他手信都好推薦大家去買嚟試下,例如係近期大熱嘅「記憶香口膠」同「透明汽水」,新奇又有趣,唔使買嚟買去都係果啲手信嘛~

想知更多,可以去睇返舊文:

日本人真係創意無限「膠」!日本記憶力香口膠登場

原來20年前已經出過!日本推出超夢幻聖誕版「透明可樂」

(圖片取自網絡)

advertisement