真係咩款都有!專為貓狗而設嘅Lurvig寵物系列傢俱

講到買傢俱,要又平又靚,除咗淘寶之外,唔少人第一時間都會諗起IKEA,要買齊一屋裝備,方便又快捷,估唔到依家連寵物界都俾佢撈埋,究竟仲有啲咩係買唔到嘅?

IKEA宜家傢俬即將推出專為貓狗而設嘅Lurvig寵物系列,床、梳化、咕臣、貓屋、糧食碗同寵物袋一應俱全,價錢仲一啲都唔貴,又可以俾個驚喜主人,奴才們要識做呢~

呢個寵物系列現時喺日本、美加同法國都已經推出,其他地方就預計2018年3月,至於價錢方面,大家可以參考下 IKEA官網 嘅外國售價先,就咁睇都買得過喎!

advertisement