測你有冇腳臭!令人避無可避的「腳臭偵測鞋」秒幫你KO腳臭

香港長年濕度高企,好多香港人都俾、腳汗困擾,特別係喺室內要除鞋嘅時候,果陣「芬香」真係……但氣味嘅嘢,有時自己習慣咗真係會察覺唔到,一除鞋先知中伏,就真係會瞬間冇晒朋友,日本最近就推出一對「偵測鞋」(SENSING SHOES),俾你知道自己有冇問題,你又有冇需要?

呢對「偵測鞋」運作嘅原理好簡單,通過安裝在鞋底嘅感測器,感知腳嘅濕度同臭氣,按照臭度劃分了成5 個等級,再通過匹配的嘅app,就可以知道程度去到邊~

 

呢對鞋仲出埋男女裝,同樣採用咗 blueover 嘅經典鞋型設計—女款 mikey 同男款 marty,同另一半做情侶鞋,都幾有新意呀!

原來呢對「偵測鞋」嘅出現,係因為想宣傳資生堂旗下除臭劑品牌 Ageodeo 24最近發布嘅 「24小時除劑」,所以就同日本本土品牌 blueover 合作推出呢款鞋,睇嚟佢嘅策略又幾成功喎,小編都想即刻買返對,唔自用,送俾人都幾「貼心」呀!

不過好可惜,想買呢對鞋嘅朋友可能就要等下喇,因為呢對鞋只會喺 12 月 1 日至 7 日期間,喺大阪 blueover 店鋪進行公開展示,會唔會正式推出都仲未知,雖然暫時未有得賣,但大家都可以試下其他簡單方法除,例如食少啲碳水化合物有關嘅食物,好似米飯、意大利麵或麵包等,或者著鞋記得著襪等,咁就唔怕臭親人啦!

圖片來源:blueover、Ageodeo 24

advertisement
Something is wrong.
Instagram token error.
Load More