唔睇走寶!《小魔女DoReMi》推出夢幻內衣,率先睇邊件最吸睛!

「比利卡~比利那那~抱抱利那比比路多!」如果你睇得明以上句子,證明你真係《小魔女DoReMi》粉絲,因為呢正正係主角春風Doremi嘅變身咒語!講咗咁耐,其實想話俾大家知《小魔女DoReMi》最近推出一系列內衣同精品,各位fans準備好掃貨變身未呢!

日牌Super Groupies將會於2018年2月推出4款以《小魔女DoReMi》為題的內衣,粉紅、黃、藍及紫4款顏色,分別代表著各位主角!每件內衣設計都好夢幻,於胸圍、吊帶同內褲加入荷葉邊元素,睇起來極之可愛!而且喺胸口部分更加有一個音符吊飾,雖然內衣冇咩人睇到,但著起都覺得開心啊!

今次品牌仲推出幾款相關配飾!當中最可愛一定係手錶,因為除咗錶面係見習生轉換器之外,錶帶更加係由唔同顏色嘅魔法球組成,可愛得來又唔會太誇張,平時戴出街都絕對冇問題啊!

除咗內衣之外,其實早前Bandai亦推出過《小魔女DoReMi》嘅蜜粉,以粉紅色魔法棒作為化妝掃己經夠晒吸引,而且彩色的魔法球蜜粉更加有保濕成份,絕對睇得又用得,唔買絕對會後悔啊!

為咗勾起大家對《小魔女DoReMi》嘅回憶,以下係小魔女們嘅咒語懶人包,相信一唸出來真fans一定記得啊!

春風DoReMi:「比利卡~比利那那~抱抱利那比比路多!」
藤原初貴:「派派幫幫~普哇普哇普!」
妹尾愛子:「巴美露古拉露古~拉里羅利卜布!」
瀨川音符:「普路普普路~法米法米法!」
飛鳥桃子: 「佩露坦佩頓~巴啦里啦普!」

advertisement