【咪再懶啦…】呢4個壞習慣,會令臉上粉刺愈來愈多!

唔少人都會有個疑問:「明明我好勤力洗臉,點解都仲會有黑頭呢?」其實嘅成因有好多,生活習慣、日常飲食等,都可能會令你出現問題,而一啲容易被忽略嘅習慣,更加會令你愈生愈多,就算日日勤力洗臉都冇用,即刻睇吓你中咗幾多樣!

1. 唔洗粉撲
唔少女仔都有化妝習慣,但日日都用嘅粉撲好有可能成為「製造者」,因為重覆用嘅粉撲上面會有汗、臉油同皮脂,細菌就會因此而滋生,日日用相同粉撲印上臉只會令愈來愈多!所以預備多於一個粉撲替換之外,亦最好2至3日清洗一次,如果真係怕煩,最好都每個星期洗吓!。
2. 唔換枕頭套
同粉撲差唔多,枕頭每日都會用,瞓覺時亦一定會出汗、臉油同頭油等,每晚臉部肌膚都會同枕頭套有近距離接觸,好易將細菌帶到臉上!所以枕頭套最好要定時更換啊!

3. 成日捱夜
呢樣嘢講過好多次,捱夜真係會令皮膚變差!睡眠不足亦會令皮膚變得暗啞粗糙、毛孔粗大之餘,肌膚亦會因缺水而冒油,喺呢個情況之下,問題就會愈來愈嚴重啦!
4. 唔抹電話
之前已經有報導指出,手提電話上嘅細菌分分鐘可能多過廁所板,仲要成日將電話貼住塊臉,想唔生都難!所以真係要每日用消毒紙巾輕抹電話,盡可能抹走細菌同污垢啦!

advertisement
Something is wrong.
Instagram token error.
Load More