「爛面小生」大對決!唔想爛面,生暗瘡千祈唔可以做呢5件事!

講到最多人會遇到嘅肌膚問題,一定非生暗瘡莫屬。因為不論男或女,遇上暗瘡問題而又冇好好處理嘅話,後果絕對可能會影響一世!以幾位大台男星馬國明、張繼聰以及林嘉華為例,均因為年輕時生暗瘡而造形爛面情況,雖然嘉華哥同好爸爸張繼聰都有嘗試去解決凹凸洞問題,但都解決唔到,仲被一班網民笑佢哋係「爛面小生」!

最近馬明於《降魔的》嘅演出大受讚賞,擺脫一直以來的「天然呆」影象之餘,皮膚望落都好似比之前好咗!雖然好有可能係因為以化妝技功遮蓋凹凸洞,但如果唔想一世爛面,千祈唔好做以下行為!

1. 唔好日洗夜洗
生暗瘡時皮膚已經好脆弱,所以唔好成日用去油、磨砂或者深層清潔用品洗臉,只會愈洗愈乾,臉油愈出愈勁,更加容易會生暗瘡!
2. 唔好暴曬
有人話「陽光可以殺死暗瘡」,但其實紫外線會令黑色素生長,於肌膚上形成色斑,有暗瘡再曬仲會有暗瘡印,到時真係後悔莫及!
3. 擠暗瘡
呢樣嘢已經講過好多次,但仍然要提大家「有暗瘡千祈唔好擠」!因為擠壓暗瘡有機會令真皮層同毛囊破損,而且手亦有細菌,到時只會引致嚴重嘅發炎,有可能會爛面!
4. 最好唔好游水
泳池水入面會有消毒劑同細菌,好容易會令肌膚受感染,生暗瘡嘅時候就最好抖吓啦!
5.化濃妝
雖然生暗瘡時好多人都會想遮瑕,但化妝品不但會阻塞毛孔,而且化妝品會同臉部油脂細菌混合,絕對會令暗瘡惡化,所以有暗瘡嘅時候不如素顏俾肌膚休息啦!

advertisement